Tiger 3 Booking Record :బాలీవుడ్ హీరో సల్మాన్ ఖాన్ - కత్రినా కైఫ్ జంటగా తెరకెక్కిన చిత్రం 'టైగర్-3'. స్టార్ డైరెక్టర్ మనీశ్ శర్మ ఈ సినిమాకు దర్శకత్వం వహించిన విషయం తెలిసిందే. యశ్ రాజ్ బ్యానర్పై రూపొందిన ఈ సినిమా.. దీపావళి కానుకగా నవంబర్ 12న గ్రాండ్గా విడుదల కానుంది. ఈ నేపథ్యంలో ఇప్పటికే థియేటర్లు గ్రాండ్గా ముస్తాబయ్యాయి. ఈ సినిమా తొలి రోజు సాధించే కలెక్షన్లపై బాలీవుడ్ వర్గాల్లో ఉత్కంఠ నెలకొంది. అయితే పండగ రోజు రిలీజ్ అవుతున్న కారణంగా.. ఫస్ట్ డే కలెక్షన్స్ భారీగా ఉండకపోవచ్చని సిని విశ్లేషకులు అంచనా వేశారు. కానీ, అందరి అంచనాలు తారుమారు చేస్తూ.. ఈ సినిమా ప్రీ బుకింగ్స్లో దూసుకుపోతోంది. ఇప్పటివరకు దేశవ్యాప్తంగా ఎన్ని టికెట్లు అమ్ముడయ్యాయంటే?
Tiger Pre Bookings :సల్మాన్ క్రేజ్ వల్ల.. టైగర్ - 3 రిలీజ్పై పండగ ప్రభావం అంతగా పడినట్లు లేదు. బాలీవుడ్ వర్గాల ప్రకారం.. తొలి రోజు దేశవ్యాప్తంగా దాదాపు 6 లక్షల టికెట్లు అమ్ముడయ్యాయట. అందులో సుమారు 2 లక్షలు మల్టీప్లెక్స్ థియేటర్లలోనే బుక్ అవ్వడం విశేషం. ఈ క్రమంలో.. టైగర్ - 3 తొలి రోజు రూ. 40 కోట్లు వసూల్ చేస్తుందని, ప్రముఖ మల్టీప్లెక్స్ యజమాని సంజీవ్ కుమార్ అంచనా వేశారు.