This Week Release telugu Movies : సూపర్ స్టార్ రజనీకాంత్ 'జైలర్', మెగాస్టార్ చిరంజీవి 'భోళా శంకర్' వంటి పెద్ద సినిమాలు గతవారం థియేటర్లలో సందడి చేశాయి. అయితే ఈ వారం చిన్న సినిమాల హవా సాగనుంది. మరి స్వాతంత్ర్య దినోత్సవం సందర్భంగా ఓటీటీ, థియేటర్లలో ప్రేక్షకులను అలరించడానికి సిద్ధంగా ఉన్న సినిమాలేంటో చూద్దాం..
Prem Kumar :యువ హీరో సంతోష్‌ శోభన్‌ నటించిన తాజా సినిమా 'ప్రేమ్ కుమార్'. అభిషేక్ మహర్షి ఈ సినిమాతో డైరెక్టర్గా పరిచయం అవుతున్నారు. రాశిసింగ్, సాదినేని రుచిత హీరోయిన్లుగా నటిస్తున్నారు. సారంగ ఎంటర్‌టైన్‌మెంట్స్‌ బ్యానర్పై శివప్రసాద్ పన్నీరు ఈ చిత్రాన్ని రూపొందిస్తున్నారు. ఈ సినిమా ఆగస్ట్ 18న థియేటర్లలో సందడి చేయనుంది.
Mr Pregnant :తెలుగు బిగ్బాస్ కంటెస్టెంట్ సయ్యద్‌ సొహైల్ నటించిన చిత్రం 'మిస్టర్ ప్రెగ్నెంట్'. ఈ సినిమాలో సొహైల్కు జంటగా రూపా కొడువయూర్‌ నటించింది. ప్రసవం కోసం అమ్మ పడే కష్టాన్ని తీసుకున్న ఓ నాన్న కథను.. దర్శకుడు శ్రీనివాస్‌ వింజనంపాటి ఈ సినిమాలో చూపించారు. ఈ సినిమాలో నటుడు అలీ, బ్రహ్మాజీ తదితరులు కీలక పాత్రల్లో నటించారు. కాగా ఈ సినిమా కూడా ఆగస్ట్ 18న థియేటర్లలో రిలీజ్ కానుంది.
Jilebi :మల్లీశ్వరి డైరెక్టర్ కె. విజయభాస్కర్ తన కుమారుడు శ్రీ కమల్.. 'జిలేబి' సినిమాతో హీరోగా పరిచయం అవబోతున్నాడు. శ్రీ కమల్కు జంటగా.. హీరో రాజశేఖర్ కుమార్తె శివానీ నటించారు. ఈ సినిమాను కె. విజయభాస్కర్ తెరకెక్కించారు. దాదాపు చిత్రీకరణ పనులు పూర్తి చేసుకున్న ఈ సినిమా ఆగస్ట్ 18న రిలీజ్ కానుంది.
DD Returns Bhutala Bangla :తమిళ కమెడియన్ సంతానం లీడ్ రోల్లో నటించిన ఈ సినిమాకు తమిళంలో మంచి రెస్పాన్స్ వచ్చింది. ఇప్పుడు ఆగస్ట్ 18న తెలుగులో విడుదలకు సిద్ధంగా ఉంది. కామెడీ, హర్రర్ జానర్లో ఉండే ఈ సినిమా ప్రేక్షకులను మెప్పింస్తుందని దర్శకుడు ఎస్‌.ప్రేమ్ ఆనంద్‌ ఆన్నారు.
Pizza 3 : పిజ్జా సిరీస్లో వచ్చిన సినిమాలు ఇప్పటికే హిట్టాక్ అందుకున్నాయి. ఈ సినిమా తమిళంలో డీసెంట్ హిట్ అందుకొని.. తాజాగా తెలుగు ఆడియెన్స్ను పలకరించడానికి వస్తోంది. హార్రర్ థ్రిల్లింగ్ జానర్లో తెరకెక్కిన ఈ సినిమా ఆగస్ట్ 18 నుంచి థియేటర్లలో సందడి చేయనుంది.
ఓటీటీలో రానున్న సినిమాలు, వెబ్ సిరీస్లు ఇవే..