Mahesh Babu: సూపర్స్టార్ మహేశ్బాబు సినిమాల్లో బిజీగా ఉన్నా.. కుటుంబంలో జరిగే ప్రతి వేడుకకూ హాజరవుతారు. సినిమాల విరామ సమయంలో కుటుంబంతో కలిసి విదేశాలకు వెళ్లి ఆనందంగా గడుపుతారు. ఈరోజు (మే 31) ఒకప్పటి సూపర్ హీరో, మహేశ్ తండ్రి కృష్ణ తన 79వ పుట్టినరోజు జరుపుకొన్నారు. ఈ సందర్భంగా సోషల్‌మీడియా వేదికగా తన తండ్రికి శుభాకాంక్షలు తెలిపారు మహేశ్బాబు.
కృష్ణ ఫొటోను అభిమానులతో పంచుకొని మీలాగా ఎవ్వరూ ఉండరంటూ పోస్ట్ పెట్టారు మహేశ్. "పుట్టినరోజు శుభాకాంక్షలు నాన్నా. నిజంగా మీలాగా ఎవ్వరూ ఉండరు. మీరు ఎప్పుడూ ఆనందంగా, ఆరోగ్యంగా ఉండాలని కోరుకుంటున్నాను. లవ్‌ యూ.." అంటూ తన తండ్రికి ప్రేమపూర్వక శుభాకాంక్షలు తెలిపారు మహేశ్.
సూర్య మంచి మనసు:కోలీవుడ్‌ హీరో అయినప్పటికీ భాషతో సంబంధం లేకుంగా అభిమానులను సొంతం చేసుకున్నాడు నటుడు సూర్య. విభిన్న కథలతో ప్రేక్షకులను పలకరించే ఈ హీరో తన అభిమానులకు ఎప్పుడూ అందుబాటులో ఉంటూ వాళ్లకు అండగా ఉంటారు. తాజాగా మరోసారి తన అభిమాని కుటుంబానికి అండగా నిలిచి మంచి మనసు చాటుకున్నాడు.
వివరాల్లోకి వెళితే తమిళనాడుకు చెందిన జగదీశ్‌(27) అనే వ్యక్తి రోడ్డు ప్రమాదంలో మరణించాడు. అతడు హీరో సూర్యకు వీరాభిమాని. ఈ విషయం తెలుసుకున్న సూర్య జగదీశ్‌ ఇంటికి వెళ్లాడు. అతని కుటుంబసభ్యులతో మాట్లాడాడు. జగదీశ్‌ భార్యకు ఉద్యోగం ఇప్పించే ఏర్పాటు చేస్తానని చెప్పారు. అతని కూతురి పూర్తి బాధ్యతను తీసుకుంటానని ఆమె చదువుకు అయ్యే ఖర్చంతా పెట్టుకుంటానని హామీ ఇచ్చాడు.
ఇదీ చూడండి:రణ్‌బీర్‌ అలా చేస్తాడని తెలిసి షాకయ్యా: రాజమౌళి
