The night manager shobhita : 'గూఢచారి' చిత్రంతో టాలీవుడ్ అరంగేట్రం చేసిన అందాల ముద్దుగుమ్మ శోభిత ధూళిపాల. 'మేజర్‌' చిత్రంతో బ్లాక్‌ బాస్టర్ అందుకుని ప్రత్యేక గుర్తింపు తెచ్చుకున్న ఈ బ్యూటీ రీసెంట్‌గా మణిరత్నం 'పొన్నియన్‌ సెల్వన్‌' చిత్రంలోనూ మెరిసింది. ప్రస్తుతం బాలీవుడ్‌లోనూ బిజీ హీరోయిన్గా రాణిస్తోంది. వెబ్ సిరీస్‌ల్లోనూ నటిస్తోంది. తాజాగా ఆమె నటించిన 'ది నైట్ మేనేజర్-2' వెబ్ సిరీస్ రిలీజైంది. తమన్నా, మృణాల్ ఠాకూర్ నటించిన 'లస్ట్ స్టోరీస్ 2'కు పోటీగా.. ఈ నెల 29న ప్రముఖ ఓటీటీ ఫ్లాట్‌ఫామ్ డిస్నీ ప్లస్ హాట్‌స్టార్‌లో అందుబాటులోకి వచ్చింది. సీనియర్ నటుడు అనిల్ కపూర్, బాలీవుడ్ హీరో ఆదిత్యరాయ్‌ కపూర్ కూడా ప్రధాన పాత్ర పోషించిన ఈ సిరీస్ మంచి టాక్నే తెచ్చుకుంది. మంచి థ్రిల్లింగ్ను ఇచ్చిందని రివ్యూలు వస్తున్నాయి.
The night manager season 2 review : అయితే ఈ రివ్యూలతో పాటు ఈ వెబ్ సిరీస్లో నటించిన శోభిత ధూళిపాల సన్నివేశాలు కూడా నెట్టింటో వైరల్ అవుతున్నాయి. ఇప్పటికే బోల్డ్ బ్యూటీగా క్రేజ్ సంపాదించుకున్న ఈ ముద్దుగుమ్మ.. ఈ సిరీస్లో మరింత బోల్డ్‌గా నటించినట్లు వీడియోలు చూస్తే అర్థమవుతోంది. హీరో ఆదిత్య రాయ్ కపూర్‌తో పోటీ పడి మరీ రొమాంటిక్ సీన్స్ చేసింది. దీనికి సంబంధించిన వీడియోను చూసిన నెటిజన్లు, సినీ ప్రియులు.. వాటిని ట్రెండ్ చేస్తూ లైక్స్, కామెంట్స్ పెడుతున్నారు. బోల్డ్ వెబ్సిరీస్గా వచ్చిన 'లస్ట్ స్టోరీస్ 2'లోని తమన్నాతో పోలుస్తున్నారు. హీరో హీరోయిన్ మధ్య కెమిస్ట్రీ అదిరిపోయిందంటూ ఓ నెటిజన్ కామెంట్ పెట్టగా.. మరికొందరు రొమాంటిక్ సీన్స్లో తమన్నాను మించిలే శోభితా ఉందిగా అంటూ తెగ కామెంట్స్ పెడుతున్నారు. కాగా, శోభిత ధూళిపాల.. టాలీవుడ్ యంగ్ హీరో అక్కినేని నాగ చైతన్య రిలేషన్షిప్లో ఉన్నట్లు గత కొద్ది కాలంగా ప్రచారం సాగుతున్న విషయం తెలిసిందే.
the night manager season 2 : ఇక 'ది నైట్ మేనేజర్' సిరీస్ను బ్రిటన్‌ సిరీస్ ఆధారంగా హిందీలో రీమేక్ చేశారు. ఈ వెబ్ సిరీస్‌కు సందీప్ మోడీ దర్శకత్వం వహించారు. శాశ్వత ఛటర్జీ, తిలోటమా షోమ్, రవి బెహ్ల్ కూడా ప్రధాన పాత్రల్లో నటించారు. ప్రస్తుతం డిస్నీ ప్లస్ హాట్‌స్టార్‌లో ఈ సిరీస్ స్ట్రీమింగ్ అవుతోంది.