సరోగసీ నేపథ్యంలో సమంత నటించిన లేటెస్ట్‌ చిత్రం 'యశోద'. ఈ సినిమా గత 10 రోజుల నుంచి థియేటర్లలో సక్సెస్‌ఫుల్‌గా రన్ అవుతోంది. సరోగసీ బ్యాక్‌డ్రాప్‌తో థ్రిల్లర్‌గా రూపొందిన ఈ మూవీలో హీరోయిన్ సమంత లీడ్ రోల్‌ పోషించగా.. పాన్ ఇండియా మూవీగా ఈ నెల 11న రిలీజైంది. 'మయోసైటిస్' అనే కండరాల వ్యాధికి చికిత్స తీసుకుంటూనే సమంత చేసిన యాక్షన్ సీన్స్ ప్రేక్షకుల్ని ఆశ్చర్యపరిచాయి. స్టార్ హీరోలకు ఏమాత్రం తగ్గని రేంజ్‌లో సమంత ఈ మూవీలో ఫైట్స్ చేసింది.
యశోద సినిమాలో యాక్షన్ సీన్స్‌ను ఎలా చిత్రీకరించారు? సమంత ఆ సీన్స్ చేసే ముందు ఎలాంటి కసరత్తులు చేసింది? వాటిని ఆమె ఆస్వాదించిన తీరును వివరిస్తూ ఓ వీడియోను యశోద టీమ్ తాజాగా రిలీజ్ చేసింది. రోప్ సాయం లేకుండా కొన్ని సీన్స్ చేసినట్లు కనిపించిన సమంత.. ఫైట్ సీన్స్‌లోనూ డూప్‌ లేకుండా నటించింది. ఓ ఫైట్ సీన్‌లో చెంపపై పంచ్ పడటంతో అరగంట వరకు కోలుకోలేకపోయినట్లు సమంత చెప్పుకొచ్చింది. చెంప బూరెలా ఉబ్బిందని కూడా సమంత గుర్తు చేసుకుంది.