Thalaivar 171 Update:తమిళ సూపర్ స్టార్ రజనీకాంత్ఫ్యాన్స్కు గుడ్ న్యూస్. ఆయన 171 సినిమా గురించి అదిరిపోయే అప్డేట్ వచ్చింది. 'విక్రమ్' ఫేమ్ డైరెక్టర్ లోకేశ్ కనగరాజ్తో రజనీ మూవీ కన్ఫార్మ్ అయ్యింది. 'తలైవార్ 171' అనే వర్కింగ్ టైటిల్తో ఈ సినిమా తెరకెక్కనుంది. సన్ పిక్చర్స్ బ్యానర్పై రూపొందనున్న ఈ సినిమాకు.. అనిరుధ్ రవిచంద్రన్ సంగీతం అందించనున్నారు. ఈ మేరకు సన్ పిక్చర్స్ ఈ విషయాన్ని అధికారికంగా ట్విట్టర్లో వెల్లడించింది.
ఇక రజనీ-నెల్సన్ దిలీప్ కుమార్ కాంబోలో తెరకెక్కిన జైలర్.. బాక్సాఫీస్ వద్ద ఘన విజయం సాధించిన విషయం తెలిసిందే. ఈ సినిమా ప్రపంచవ్యాప్తంగా రూ. 650 కోట్లకు పైగా వసూళ్లను అందుకుని.. అనేక రికార్డుల్ని నెలకొల్పింది. ఇది రజనీ కెరీర్లో రూ. 500 కోట్లకు పైగా కలెక్షన్లు సాధించిన రెండో సినిమా.
అయితే జైలర్ ప్రొడ్యూసర్స్ సంబరాల్లో ఉన్నారు. సన్ పిక్చర్స్ ఛైర్మన్, సినిమా నిర్మాత కళానిధి మారన్.. ఇటీవల హీరో రజనీ, సినిమా దర్శకుడు నెల్సన్ దిలీప్ కుమార్, సంగీత దర్శకుడు అనిరుధ్కు ఖరీదైన కార్లు గిఫ్ట్గా ఇచ్చారు. ఇక తాజాగా చిత్రం కోసం పనిచేసిన వారందరికీ బహుమతులు ఇచ్చి సర్ప్రైజ్ చేశారు.
Jailer OTT Release Date : ప్రస్తుతం ఈ చిత్రం అమెజాన్‌ ప్రైమ్‌ వీడియో వేదికగా ఓటీటీలో సందడి చేస్తోంది. ఈ ప్లాట్ఫామ్లోనూ ఎక్కువ వ్యూస్ మినిట్స్‌ సాధించిన చిత్రంగా రికార్డు సాధించింది. రజనీ యాక్టింగ్, డైలాగులకు ఫ్యాన్స్, ప్రేక్షకులు ఫిదా అవుతున్నారు. ఈ చిత్రానికి సీక్వెల్ కూడా వచ్చే అవకాశముందని, నెల్సన్ దిలీప్ కుమార్ అందుకోసం ప్రయత్నిస్తున్నారని ప్రచారం సాగుతోంది. త్వరలోనే దీనికి సంబంధించిన అధికారిక ప్రకటన రావొచ్చని టాక్ వినిపిస్తోంది.
Lokesh Kanagaraj Movies : లోకేశ్ కనగరాజ్ విషయానికొస్తే.. టాలీవుడ్ యంగ్ హీరో సందీప్ కిషన్తో 'నగరం' సినిమాతో దర్శకుడిగా పరిచయమయ్యారు. ఈ సినిమా అంతగా మెప్పించలేకపోయింది. తర్వాత కార్తీ హీరోగా..' ఖైదీ' సినిమాతో కోలీవుడ్ దృష్టిని తనవైపు తిప్పుకున్నాడు. ఇక గతేడాది కమల్ హాసన్ హీరోగా 'విక్రమ్' సినిమాతో విపరీతమైన క్రేజ్ సంపాదించాడు. ప్రస్తుతం ఆయన విజయ్ దళపతితో 'లియో' సినిమా షూటింగ్లో బిజీగా ఉన్నారు.
Jailer Gold Coins : 'జైలర్' సక్సెస్ సెలబ్రేషన్స్.. 300 మందికి గోల్డ్ కాయిన్స్ గిఫ్ట్.. బిర్యానీ పెట్టించి మరీ
Thalaivar 170 Update : 'జైలర్' సక్సెస్ సెలబ్రేషన్స్లో రజనీ.. 'జై భీమ్' దర్శకుడితో సినిమా షురూ!
