Thalaivar 170 Update :తమిళ్ సూపర్స్టార్ రజనీకాంత్-టీజే జ్ఞానవేల్ కాంబోలో ఓ చిత్రం రానున్న విషయం తెలిసిందే. ఈ సినిమా 'తలైవా 170' అనే వర్కింగ్ టైటిల్తో తెరకెక్కుతోంది. ఈ సినిమాను ప్రముఖ నిర్మాణ సంస్థ లైకా ప్రొడక్షన్స్ బ్యానర్పై సుభాస్కరణ్ భారీ బడ్జెట్తో రూపొందిస్తున్నారు. అయితే ఇప్పటికే ఈ సినిమాలో నటించనున్న పలువురు స్టార్ల వివరాలు తెలిపుతూ.. స్పెషల్ పోస్టర్లు రిలీజ్ చేసింది చిత్ర యూనిట్.
ఈ క్రమంలో కథానాయికలు మంజూ వారియర్‌, రితికా సింగ్‌, దుషారా విజయన్‌, టాలీవుడ్ స్టార్ హీరో రానా దగ్గుబాటి, మలయాళ స్టార్ ఫహాద్ ఫాజిల్, బాలీవుడ్ బిగ్బి అమితాబ్ బచ్చన్ ఈ ప్రాజెక్ట్లో భాగమైనట్లు తెలిపింది. ఇక నటీనటుల కన్ఫర్మేషన్ తర్వాత తాజాగా.. మరో ఇంట్రెస్టింగ్ అప్డేట్ ఇచ్చింది చిత్రబృందం. ఈ సినిమా షూటింగ్ బుధవారం ప్రారంభం కానున్నట్లు తెలిపింది. ఇక షూటింగ్ జరుగుతుండగా.. మరిన్ని అప్డేట్స్ తెలియజేస్తామని లైకా ప్రొడక్షన్స్ పేర్కొంది.
Thalaivar 171 Update : ఇటీవలే రజనీకాంత్ 171 సినిమా గురించి అదిరిపోయే అప్డేట్ వచ్చింది. 'విక్రమ్' ఫేమ్ డైరెక్టర్ లోకేశ్ కనగరాజ్తో రజనీ మూవీ కన్ఫార్మ్ అయ్యింది. 'తలైవార్ 171' అనే వర్కింగ్ టైటిల్తో ఈ సినిమా తెరకెక్కనుంది. సన్ పిక్చర్స్ బ్యానర్పై రూపొందనున్న ఈ సినిమాకు.. అనిరుధ్ రవిచంద్రన్ సంగీతం అందించనున్నారు. ఈ మేరకు సన్ పిక్చర్స్ ఈ విషయాన్ని అధికారికంగా ట్విట్టర్లో వెల్లడించింది.