Thalaivar 170 Update :తమిళ సూపర్ స్టార్ రజనీకాంత్ 'జైలర్' సక్సెస్ను ఎంజాయ్ చేస్తున్నారు. ఇక ఇదే జోష్లో రజనీ త్వరలోనే కొత్త చిత్రం ప్రారంభించనున్నారు. ఈ సినిమాను 'జై భీమ్' ఫేమ్ దర్శకుడు టీజే జ్ఞానవేల్ తెరకెక్కించనున్నారు. 'తలైవార్ 170' వర్కింగ్ టైటిల్తో ఈ ప్రాజెక్ట్ తెరకెక్కనుంది.
అయితే తాజాగా రజనీ-జ్ఞానవేల్ సినిమా ప్రారంభమైనట్లు తెలిసింది. చెన్నైలోని ఓ ప్రముఖ హోటల్లో పూజా కార్యక్రమాలతో శనివారం ప్రారంభమైనట్లు కోలీవుడ్ వర్గాల్లో టాక్ వినిపిస్తోంది. ఈ కార్యక్రమానికి సూపర్ స్టార్ రజనీకాంత్ సహా.. సినిమాలో నటించే ప్రముఖ నటులు సైతం హాజరయ్యారని సమాచారం అందింది. ఈ పూజా కార్యక్రమానికి సంబంధించి ఫొటోలు, వీడియో క్లిప్పింగ్స్ను మూవీమేకర్స్ అధికారికంగా పోస్ట్ చేయలేదు. ఇప్పటికే ప్రీ ప్రొడక్షన్ పనులు పూర్తి చేసుకున్న ఈ సినిమా షూటింగ్.. సెప్టెంబర్ మూడో వారంలో ప్రారంభంకానున్నట్లు తెలుస్తోంది.
Thalaivar 170 Cast: ఈ సినిమాలో రజనీ.. పోలీస్ పాత్రలో కనిపించనున్నారని టాక్ వినిపిస్తోంది. ఇక ఈ సినిమాలో బాలీవుడ్ బిగ్ బి అమితాబ్ బచ్చన్, టాలీవుడ్ యంగ్ హీరో శర్వానంద్ కీలక పాత్రల్లో నటించనున్నారని ప్రచారం సాగుతోంది. మలయాళ స్టార్ ఫహాద్ ఫాజిల్ ఈ చిత్రంలో ప్రతినాయకుడిగా కనిపించనున్నారట. మ్యూజిక్ సంచలనం అనిరుధ్ రవిచంద్రన్.. ఈ సినిమాకు సంగీతం అందించనున్నారు.