Thalaivar 170 Cast :సూపర్ స్టార్ రజనీకాంత్ ప్రస్తుతం తన అప్కమింగ్ మూవీపై దృష్టి సారిస్తున్నారు. 'జై భీమ్' ఫేమ్ టి.జి జ్ఞానవేల్‌ దర్శకత్వంలో తెరకెక్కుతున్న ఓ సినిమాకు ఇటీవలే రజనీ సైన్ చేశారు. 'తలైవర్ 170' అనే వర్కింగ్ టైటిల్తో ఈ సినిమా రూపొందుతోంది. లైకా ప్రొడక్షన్స్ బ్యానర్పై తెరకెక్కుతన్న ఈ భారీ బడ్జెట్ సినిమా ప్రస్తుతం ట్రెండింగ్లో ఉంది.
తాజాగా ఈ సినిమాలో కీలక పాత్రలు పోషించనున్న స్టార్స్ పేర్లు చెబుతూ ఓ స్పెషల్ పోస్టర్లను రిలీజ్ చేసింది. కథానాయికలు మంజూ వారియర్‌, రితికా సింగ్‌, దుషారా విజయన్‌లు ఇందులో నటిస్తున్నట్లు చిత్రబృందం సోమవారం తెలిపింది. అయితే గత కొన్ని రోజులుగా నడుస్తున్న ఓ బజ్కు మూవీటీమ్ ఇప్పుడు ఫుల్స్టాప్ పెట్టింది.
టాలీవుడ్ స్టార్ హీరో రానా దగ్గుబాటికూడా ఈ సినిమాలో కీలక రోల్ ప్లే చేయనున్నట్లు చిత్ర నిర్మాణ సంస్థ లైకా ప్రొడక్షన్స్ అధికారికంగా ప్రకటించింది. ఈ విషయాన్ని ట్విట్టర్లో తెలిపింది. ఇక రానాతో పాటు ఈ సినిమాలో మలయాళ స్టార్ హీరో ఫహాద్ ఫాజిల్ కూడా నటించనున్నారని చిత్రబృందం పేర్కొంది. ఇలా మూవీకి సంబంధించిన వరుస అప్‌డేట్‌లు రిలీజౌతున్న సందర్భంగా రజనీ ఫ్యాన్స్లో ఈ సినిమాపై ఆసక్తి మరింత పెరుగుతోంది.