Telugu Movies Release In 2024 January : సంక్రాంతి.. తెలుగువారికి అత్యంత హుషారు తెప్పించే పండగల్లో ఒకటి. అయితే ఈ పండుగ మన తెలుగు వారికి కాస్త సెంటిమెంట్ అనే చెప్పాలి. మరీ ముఖ్యంగా సినీ ఇండస్ట్రీకి. ఎందుకంటే ఈ టైమ్లో రిలీజ్ అయ్యే సినిమాలు బ్లాక్బస్టర్ హిట్స్ సాధిస్తాయని ఓ చిన్న నమ్మకం. ఇదిలా ఉంటే టాలీవుడ్లో కొందరు నిర్మాతలు రానున్న సంక్రాంతికి తమ సినిమాలను రిలీజ్ చేసేందుకు అప్పుడే కర్చీఫ్ కూడా పేసేసుకున్నారు. కాగా, కొన్ని బడా సినిమాలు పొంగల్ రేసులో పోటీపడేందుకు డేట్స్ను కూడా ఫిక్స్ చేసుకుంటే మరి కొందరు మూవీ ప్రొడ్యూసర్సేమో ఒక్కొక్కరుగా తాజాగా తాము కూడా భోగి పండగ బరిలో పోటీ పడతామని ముందుకు వస్తున్నారు. మరి మేమూ తగ్గేదేలే అంటూ వస్తున్న ఆ సినిమాల లిస్ట్పై ఓ లుక్కేద్దాం.
VD13!
ఇప్పటిదాకా కచ్చితంగా రిలీజ్ చేస్తామని చెప్పిన సినిమాల్లో 'విజయ్ దేవరకొండ-13'(VD13) ఒకటి. ఈ సినిమాను పరశురామ్‌ డైరెక్ట్ చేస్తున్నారు. కాగా, ఈ చిత్రాన్ని సంక్రాంతి కానుకగా ఆడియెన్స్ ముందుకు ఎలాగైనా తేనున్నట్లు నిర్మాత దిల్రాజు ఇప్పటికే అనౌన్స్ చేశారు. ఇందుకు సంబంధించి అధికారికంగా ప్రీ-లుక్ రూపంలో ఉన్న పోస్టర్ను కూడా రిలీజ్ చేశారు.
గుంటూరు కారం!
త్రివిక్రమ్ దర్శకత్వంలో తెరకెక్కుతున్న బడా సినిమా 'గుంటూరు కారం'. ఇందులో సూపర్స్టార్ మహేశ్ బాబు లీడ్ రోల్లో నటిస్తున్నారు. దీన్ని కూడా వచ్చే ఏడాది సంక్రాంతికే విడుదల చేసేందుకు ప్లాన్ చేశారు మూవీ మేకర్స్. హారిక హాసిని క్రియేషన్స్ భాగస్వామ్యంతో సితార అధినేత నాగవంశీ ఈ సినిమాను నిర్మిస్తున్నారు.
ఈగల్!
డైరెక్టర్ కార్తీక్ ఘట్టమనేని దర్శకత్వంలో మాస్మహారాజా రవితేజ హీరోగా తెరకెక్కుతున్న మూవీ 'ఈగల్'. ఈ సినిమా కూడా 2024 సంక్రాంతి బరిలో ఉంది. పండగ కానుకగా ఈ చిత్రాన్ని జనవరి 13న ప్రేక్షకుల ముందుకు తేనుంది మూవీ టీమ్.
హనుమాన్!
తన మూడేళ్ల వయసులోనే చూడాలని ఉంది సినిమాతో బాల నటుడిగా తెరంగేట్రం చేసి హీరోగా రాణిస్తున్న నటుడు తేజ సజ్జా. ప్రస్తుతం దర్శకుడు ప్రశాంత్ వర్మ తెరకెక్కిస్తున్న చిత్రం 'హనుమాన్'తో బిజీగా ఉన్నాడు. భారీ బడ్జెట్తో రూపొందుతున్న ఈ సినిమాను 11 భాషల్లో వచ్చే ఏడాది సంక్రాంతి కానుకగా విడుదల చేయనున్నారు.