టాలీవుడ్​లో తమిళ హీరోల క్రేజ్​.. ఓపెనింగ్​ కలెక్షన్స్​లో దూసుకెళ్లారుగా!

ధనుశ్​ సార్​ సినిమా తాజాగా విడుదలై మంచి ఓపెనింగ్స్​ను అందుకుంది. అయితే ఈ సినిమాతో పాటు రీసెంట్​గా రిలీజైన పలు తమిళ హీరోల సినిమాలు కూడా తెలుగులో మంచి ఓపెనింగ్స్​ను అందుకున్నాయి. ఆ వివరాలు..

సూపర్​స్టార్​ రజనీకాంత్, యూనివర్సల్​ స్టార్​ కమలహాసన్, సూర్య, విజయ్ దళపతి​.. ఇలా చాలా మంది తమిళ హీరోలకు టాలీవుడ్​లో సూపర్​ క్రేజ్ ఉన్న సంగతి తెలిసిందే. వారి చిత్రాలకు మంచి మార్కెట్​ కూడా ఉంది. అందుకే వీరంతా తమ చిత్రాలను కోలీవుడ్​తో పాటు ఇక్కడా విడుదల చేస్తుంటారు. మరిన్ని భిన్న కథలు చేస్తూ తమ క్రేజ్​, మార్కెట్ పెంచుకుంటున్నారు. అయితే రీసెంట్​గా దర్శకుడు వంశీ పైడిపల్లితో విజయ్ దళపతి​, ఇక తాజాగా వెంకీ అట్లూరీతో ధనుశ్ తెలుగు ప్రేక్షకుల ముందు వచ్చిన సంగతి తెలిసిందే. అయితే వీరిద్దరికి ఈ చిత్రాలు తొలి స్ట్రైట్​ సినిమాలు కావడం విశేషం.

అయితే ధనుష్ నటించిన సార్ ఫిబ్రవరి 17న తెలుగు, తమిళ భాషలలో రిలీజైంది తొలి రోజు నుంచే పాజిటివ్ టాక్ దక్కించుకున్న ఈ చిత్రం.. మంచి ఓపెనింగ్స్​ను కూడా వసూలు చేసింది. ఏపీ తెలంగాణ కలిపి తొలి రోజు రూ. 2.65 కోట్ల షేర్ రూ.4.52 కోట్ల గ్రాస్ కలెక్ట్ చేసింది. దీంతో ధనుష్​కు తెలుగులో గ్రాండ్ వెల్కమ్​ దక్కింది.

అయితే ధనుశ్​తో పాటు పలు తమిళ హీరోలు కూడా ఇటీవలే తమ చిత్రాలతో సందడి చేశారు. వారి చిత్రాలు కూడా మంచి వసూళ్లను అందుకున్నాయి. అవేంటంటే.. వంశీ పైడిపల్లి దర్శకత్వంలో వచ్చిన విజయ్​ వారసుడు సంక్రాంతికి రిలీజై రూ.3.19 కోట్లు వసూలుచేసింది. ఇక రొమాంటిక్ ఎంటర్​ టైనర్ ప్రదీప్​​ రంగనాథన్​​ నటించిన లవ్​ టూడే కూడా తొలి రోజే రూ. 1.15 కోట్లు సంపాదించింది. గట్టి కమ్​ బ్యాక్​​ ఇచ్చిన కమల్​హాసన్​ విక్రమ్​.. ఫస్ట్ డే రూ. 1.96 కోట్లు కలెక్ట్ చేశారు. ఇక పొన్నియిన్ సెల్వన్ కూడా తొలి రోజు రూ. 2.88 కోట్లు వసూలు చేసింది. ఇలా ఇటీవల కాలంలో రిలీజైన అన్ని చిత్రాలకు తొలి రోజు మంచి ఓపెనింగ్స్​ దక్కాయి. అంతకుముందు కార్తీ సర్దార్ రూ.96 లక్షలు, శివ కార్తికేయన్ ప్రిన్స్ రూ.90 లక్షల వసూళ్లను అందుకున్నాయి.

ఇదీ చూడండి:భోళా శంకర్​ ట్రీట్​.. చిరు స్టైల్​ అదిరిపోయింది!