యూనివర్సల్ స్టార్ కమల్హాసన్ హీరోగా నటించిన విక్రమ్ బాక్సాఫీసు వద్ద మంచి వసూళ్లు సాధిస్తోంది. ఇందులో క్లైమాక్స్లో రోలెక్స్గా సూర్య ఇచ్చిన ఎంట్రీకి థియేటర్లు దద్దరిల్లాయి. ఈ క్యామియో ఉన్న కేవలం కొన్ని నిమిషాలే అయినా సూర్య హావభావాలకు, విలనిజానికి అభిమానులు ఫిదా అయిపోయారు. పూర్తిస్థాయిలో రోలెక్స్ సార్గా చూసేందుకు అభిమానులు వెయిట్ చేస్తున్నారు. ఈ నేపథ్యంలో ఇప్పుడు సూర్య మరో క్యామియో చేయనున్నారు. ఈ విషయాన్ని ఆయనే సోషల్మీడియా వేదికగా ప్రకటించారు.
తన సినిమాలోనే: సూర్య క్యామియో చేస్తున్న మాట నిజమే కానీ రోలెక్స్గా కాదు. తాను నటించిన చిత్రం హిందీ రిమేక్లో ఈ క్యామియో ఉండనుంది. ఆకాశమే నీ హద్దురా చిత్రం గుర్తుందా? ఓటీటీలో రిలీజై సూపర్హిట్ అందుకుంది ఈ చిత్రం. ఇప్పుడు ఈ సినిమానే హిందీలో అక్షయ్ కుమార్ హీరోగా రీమేక్ అవుతుంది. 'సూరరయ్ పోట్రు'కు (తెలుగులో ఆకాశమే నీ హద్దురా) దర్శకత్వం వహించిన సుధా కొంగరే ఈ చిత్రానికి కూడా దర్శకత్వం వహిస్తున్నారు. ఈ సినిమాలో ఓ చిన్న క్యామియో చేస్తున్నారట సూర్య. మరి ఇందులో ఆయన పాత్రేంటి? ఎంత నిడివి ఉంది మొదలైన విషయాలు తెలియాలు అంటే ఇంకొంతకాలం ఆగాల్సిందే.