Suriya Upcoming Movies : తెలుగు, తమిళంలోనూ మంచి క్రేజ్ ఉన్న హీరో సూర్య.. ప్రస్తుతం పాన్ ఇండియా లెవల్లో తెరకెక్కుతున్న 'కంగువా' చిత్రంతో బిజీగా ఉన్నారు. ఈ సినిమా అనంతరం సుధా కొంగరతో కొత్త ప్రాజెక్టును మొదలు పెట్టనున్నారు. ఇప్పటికే ఈ సినిమా ప్రీ ప్రొడక్షన్ పనులు కూడా చివరి దశకు వచ్చేశాయి. ఈ సినిమాలో సూర్య ప్రాతకు సంబంధించి విషయాలు సోషల్ మీడియాలో తెగ ట్రెండ్ అవుతున్నాయి. ఈ చిత్రంలో సూర్య కాలేజీ కుర్రాడిలాగా కనిపించి ప్రేక్షకులకు కనివిందు చేయనున్నారుని సమాచారం. అంతేకాకుండా ఈ చిత్రం మొత్తాన్ని నడిపించేది ఆ కీలక పాత్రే అని టాక్ నడుస్తోంది.
'ఆకాశమే నీ హద్దురా' లాంటి బిగ్ సక్సెస్ తర్వాత ఈ కాంబినేషన్లో వస్తున్న సినిమా కావటం వల్ల ఈ ప్రాజెక్టుపై అందరిలోనూ భారీ అంచనాలే ఉన్నాయి. ఈ చిత్రంలో దుల్కర్ సల్మాన్ కూడా నటిస్తున్నట్లు సమాచారం. ఈ సినిమాను సూర్య తన సొంత బ్యానర్పై నిర్మించున్నారు. మ్యూజిక్ డైరక్టర్గా జీవి ప్రకాశ్ కుమార్ సంగీతం అందిస్తున్నారు. వచ్చే సంవత్సరం చివరికల్లా ఈ సినిమాను విడదుల చేసేలా చిత్రం బృందం ప్లాన్ చేస్తున్నారు. కాలేజీ కుర్రాడిలా.. ఈ పాత్రే కీ రోల్ కావటం వల్ల సూర్య ఏ రేంజ్లో నటిస్తాడో అని అభిమానుల్లో ఆసక్తి నెలకొంది.