Kamal Haasan Suriya Movie: అడివి శేష్‌ ప్రధాన పాత్ర పోషించిన 'మేజర్', కమల్ హాసన్ హీరోగా నటించిన 'విక్రమ్' చిత్రాలు జూన్‌ 3న విడుదలై, చక్కటి ఆదరణ పొందుతున్నాయి. ఈ సందర్భంగా ప్రేక్షకులు, చిత్ర బృందానికి కమల్ కృతజ్ఞతలు తెలియజేయగా 'మేజర్'గా మారేందుకు తానెంత కష్టపడిన అంశాన్ని శేష్‌ తెలిపారు. ఈ మేరకు ఇద్దరు సోషల్‌ మీడియా వేదికగా వీడియోలు విడుదల చేశారు.
'విక్రమ్'లో సూర్య కనిపించిందని కొద్దిసేపే అయినా థియేటర్ మొత్తం దద్దరిలిపోయిందని కమలహాసన్ ఆనందం వ్యక్తం చేశారు. ఇందుకు కృతజ్ఞతలు సూర్యతో తన తదుపరి చిత్రంలో చూపించనున్నట్లు తెలిపారు. 'విక్రమ్' విడుదలైన అన్నిచోట్ల నుంచి విశేష స్పందన రావడం, సినిమా ఘన విజయం సాధించడం పట్ల హర్షం వ్యక్తం చేశారు. మంచి సినిమాలు, నటులను తెలుగు ప్రేక్షకులు ఎప్పుడూ ఆదరిస్తారని కమల్ అన్నారు. 'విక్రమ్' విజయంలో ఆ చిత్రానికి పనిచేసిన ప్రతి ఒక్కరి భాగస్వామ్యం ఉందన్న కమల్.. పేరు పేరున కృతజ్ఞతలు తెలిపారు.
లోకేశ్కు లగ్జరీ కారు: దర్శకుడు లోకేశ్ కనకరాజ్ తెరకెక్కించిన యాక్షన్‌ థ్రిల్లర్‌ 'విక్రమ్'లో ఫహద్‌ ఫాజిల్‌, విజయ్‌ సేతుపతి ముఖ్య పాత్రల్లో ఆకట్టుకున్నారు. చిత్ర విజయోత్సాహంలో కమల్ హాసన్ దర్శకుడు లోకేశ్కు ఓ లగ్జరీ కారును బహుమతిగా అందించారు.