Suriya 43 Glimpse Video :కోలీవుడ్ స్టార్ హీరో సూర్య ప్రస్తుతం కంగువ మూవీ షూటింగ్లో బిజీగా ఉన్నారు. దీంతో పాటు సుధ కొంగర దర్శకత్వంలో సూర్య 43 అనే సినిమాలో నటిస్తున్నారు. ఈ క్రమంలో తాజాగా సూర్య 43కి సంబంధించిన గ్లింప్స్ వీడియో ఒకటి రిలీజ్ చేశారు మూవీ మేకర్స్. చూడటానికి ఇంట్రెస్టింగ్గా ఉన్న ఆ వీడియోలో సినిమాలో నటించననున్న స్టార్స్ పేర్లు.. సినిమాకు సంబంధించిన స్టోరీ లైన్.. ఇలా పలు ఎలిమెంట్స్ ఉన్నాయి. అంతే కాకుండా వీడియో లాస్ట్లో సినిమా టైటిల్ను కూడా కాస్త రివీల్ చేశారు. అయితే తాజాగా ఈ వీడియో ఓ రికార్డును నెలకొల్పింది. దళపతి విజయ్ తన సినిమాకు సంబంధించి ఏడాది క్రితం సామాజిక మాధ్యమం ఎక్స్(ట్విట్టర్)లో పోస్ట్ చేసిన ఓ స్పెషల్ వీడియో రికార్డును బద్దలు కొట్టింది.
విడుదలైన రెండు వారాల్లోనే..
హీరో సూర్య తన 43వ చిత్రానికి సంబంధించి అక్టోబర్ 26న 'సూర్య 43' వర్కింగ్ టైటిల్తో ఓ అనౌన్స్మెంట్ వీడియోను ఎక్స్లో(ట్విట్టర్) విడుదల చేశారు. ఈ వీడియోను ఇప్పటికే 26.6(2.66 కోట్లు) మిలియన్ల మంది వీక్షించారు. అయితే ట్విట్టర్లో ఎక్కువ వ్యూస్ దక్కించుకున్న ఇండియన్ వీడియోగా సూర్య వీడియో నిలిచింది. అయితే ఇప్పటి వరకు హీరో దళపతి విజయ్ తన సినిమాకి సంబంధించి గతేడాది డిసెంబర్లో పోస్ట్ చేసిన ఓ వీడియో పేరిట ఈ రికార్డు ఉండేది. ఈ వీడియోకు అప్పట్లో 26.2(2.62 కోట్లు) మిలియన్ వ్యూస్ వచ్చాయి. కానీ, తాజాగా ఆ రికార్డును తిరగరాసింది 'సూర్య 43' అనౌన్స్మెంట్ వీడియో. అది కూడా వీడియో రిలీజ్ అయిన రెండు వారాల్లోనే ఆ రికార్డును అధిగమించింది.
సుధ కొంగర దర్శకత్వంలో రానున్న ఈ సినిమాలో సూర్యతో పాటు దుల్కర్ సల్మాన్, విజయ్ వర్మ వంటి అగ్ర నటులు కూడా నటిస్తున్నారు. ఈ ముగ్గురు కలిసి సిల్వర్ స్క్రీన్పై సరికొత్త రికార్డ్స్ను సృష్టించడం మాత్రం 'సూర్య 43' స్పెషల్ వీడియోను చూస్తే అర్థమవుతోంది. ప్రస్తుతం ఈ వీడియో తెగ వైరలవుతోంది.