Sunil Kollywood Movie Chances : కమెడియన్ సునీల్.. ఇది ఒకప్పుడు కానీ.. ఇప్పుడు విలక్షన నటుడు అనేలా తన ట్యాగ్ లైన్ మార్చుకుని కెరీర్లో వరుస ఆఫర్లలో దూసుకెళ్తున్నారు. ఆయన సినీ జ‌ర్నీ ఎలా మొదలైంది, ఎలా సాగుతుందో దాదాపుగా ప్రతీ తెలుగు సినీ ప్రేక్షకుడికి తెలిసిన విషయమే. క‌మెడియ‌న్గా కెరీర్ పీక్ స్టేజ్లో ఉన్నప్పుడు.. హాస్య పాత్రలకు గుడ్బై చెప్పి.. హీరోగా మారారు. వరుసగా హీరోగా నటించే ఛాన్స్లు రావడంతో అలానే కెరీర్ను కొనసాగించారు.
అయితే 'అందాల రాముడు', 'మర్యాదరామన్న', 'పూల రంగడు' చిత్రాలతో మంచి సెక్సెస్ అందుకున్న ఆయన.. ఆ తర్వాత కొనసాగించలేకపోయారు. వరుస ఫ్లాప్లు ఆయన కెరీర్ను కిందకి లాగేశాయి. హాస్యనటుడిగా ఎంత స‌క్సెస్ అయ్యారో.. హీరోగా అన్ని ఫెయిల్యూర్స్ అందుకున్నారు. ఇంకా చెప్పాలంటే.. ఓ దశలో అటు హీరోగా ఛాన్స్లు అందుకోలేక.. ఇటు మళ్లీ తన మార్క్ కామెడీ పాత్రలను ఒప్పుకోలేక కాస్త ఇబ్బందే పడ్డారు.
ఇక ఫైనల్గా మళ్లీ యూటర్న్ తీసుకున్న ఆయన.. క్యారెక్టర్ ఆర్టిస్ట్గా రాణించారు. ఈ జర్నీలో విలక్షణ నటుడిగా ఎదిగారు. తనకు వచ్చిన ప్రతీ అవకాశాన్ని వినియోగించుకుంటూ.. త్వరగానే కుదురుకున్నారు. కీలక పాత్రలు పోషిస్తూ, ముఖ్యంగా ప్రతినాయక పాత్రలను చేస్తూ మళ్లీ టాప్ పొజిషన్కు చేరుకున్నారు. ఈ క్రమంలోనే ఆయనకు సౌత్ ఇండస్ట్రీలోని ఇతర భాషల నుంచి ఆఫర్స్ వెలువెత్తాయి. ముఖ్యంగా కోలీవుడ్ నుంచి ఎక్కువ అవకాశాలు వస్తున్నాయి. సునీల్ కూడా లుక్స్, గెటప్ విషయంలోనూ వేరియేషన్స్ చూపిస్తూ నటన చేస్తున్నారు. జైలర్, మావీరన్, మార్క్ ఆంటోని వంటి చిత్రాలు చూస్తే ఈ విషయం మనకు తెలుస్తుంది. ఆయన నటనకు, లుక్స్కు మంచి మార్కులే పడ్డాయి. ఇంకా ఆయన.. కార్తి జపాన్ చిత్రంలోనూ ఓ కీలక పాత్ర పోషించారు. ఇందులో కూడా సనీల్ పాత్ర డిఫరెంట్గా ఉంటుందని అంటున్నారు.
ఒక్కమాటలో చెప్పాలంటే కోలీవుడ్ ఇండస్ట్రీ ఆయనకు మంచి స్టార్డమ్ను తీసుకొచ్చిందనే చెప్పాలి! రెమ్యునరేషన్ కూడా బాగానే పెరిగిపోయిందని తెలుస్తోంది. ఇప్పుడాయన పుష్ప 2 చేస్తున్నారు. ఈ చిత్రంలో ఆయన పాత్ర, నటన బలంగా ఉంటే.. పూర్తి పాన్ ఇండియా యాక్టర్గా మారిపోవడం పక్కా. మరిన్ని పాన్ ఇండియా చిత్రాల్లో నటించే అవకాశం దక్కుతుంది. ప్రస్తుతానికైతే.. రీజనల్ యాక్టర్ బౌండరీలను బ్రేక్ చేసుకుని.. పాన్ సౌత్ యాక్టర్గా మారిపోయారు. ప్రస్తుతం ఆయన కార్తి జపాన్, అల్లు అర్జున్ పుష్ప 2తో పాటు ఈగాయ్, రామ్ చరణ్ గేమ్ ఛేంజర్, మహేశ్ బాబు గుంటూరు కారం చిత్రాల్లో యాక్ట్ చేస్తున్నారు.
Comedian Sunil Tamil movie offers : సునీల్ వెంటపడుతున్న కోలీవుడ్ బ్యాచ్.. వామ్మో ఎన్ని సినిమాలు చేస్తున్నారో?
