Suhanakhan Kushikapoor movie debut: బాలీవుడ్ దిగ్గజ నటుడు అమితాబ్ బచ్చన్, బాలీవుడ్ బాద్ షా షారుక్ ఖాన్, అందాల తార దివంగత నటి శ్రీదేవి అభిమానులకు తీపికబురు అందించారు ప్రముఖ దర్శకురాలు జోయా అక్తర్. ఈ ముగ్గురి వారసులను ఒకే సినిమాతో వెండితెరకు పరిచయం చేయబోతున్నట్లు స్పష్టం చేశారు.
ఒకే సినిమాతో షారుక్, బిగ్బీ, శ్రీదేవీ వారసులు ఎంట్రీ.. టీజర్ రిలీజ్
Suhanakhan Kushikapoor movie debut: బాలీవుడ్ బిగ్బీ అమితాబ్ బచ్చన్ మనవడు అగస్త్య నంద, సూపర్స్టార్ షారుక్ ఖాన్ కూతురు సుహానా ఖాన్, ప్రముఖ నిర్మాత బోణీకపూర్ చిన్న కూతురు ఖుషీ కపూర్ వెండితెర అరంగేట్రం చేయడానికి సిద్ధమైపోయారు. ఈ ముగ్గురు కలిసి ఒకే సినిమాతో ఇండస్ట్రీలోకి అడుగుపెట్టనున్నారు. ఇంతకీ ఆ సినిమా ఏంటి? దాన్ని తెరకెక్కించే దర్శకుడు ఎవరు? తెలుసుకుందాం..
ఒకే సినిమాతో ముగ్గురు స్టార్ వారసులు ఎంట్రీ.. టీజర్ రిలీజ్
బిగ్బీ మనవడు అగస్త్య నంద, బాద్షా కుమార్తె సుహానా ఖాన్, శ్రీదేవి చిన్న కూతురు ఖుషీ కపూర్.. జోయా అక్తర్ దర్శకత్వంలో వెండితెరకు పరిచయం చేయనున్నారని గతకొద్ది రోజులుగా ప్రచారం సాగుతోంది. ఇప్పుడా ప్రచారన్ని నిజం చేస్తూ సోషల్మీడియా ద్వారా అధికారికంగా ప్రకటించారు జోయా. సినిమాకు 'ది ఆర్చీస్' అనే టైటిల్ ఖరారు చేసి ఫస్ట్లుక్ పోస్టర్, టీజర్ను విడుదల చేశారు. 2023లో నెట్ఫ్లిక్స్లో ఇది విడుదలవుతుందని చెప్పారు. 1960లో సాగే లైవ్-యాక్షన్ మ్యూజికల్ ఫిల్మ్ అని తెలిపారు. ఇవి చూసిన అభిమానులు.. తమ అభిమాన నటుల వారసులు త్వరలోనే వెండితెరకు పరిచయం కాబోతుండటంపై హర్షం వ్యక్తం చేస్తున్నారు.
ఇదీ చూడండి: అందాల నటి, ఎంపీ 'నుస్రత్ జహాన్' ప్రేమ కథలో ఎన్ని ట్విస్టులో..