Sudheer Babu Son : టాలీవుడ్ హీరో సుధీర్ బాబుకు యూత్లో ఉన్న క్రేజ్ అంతా ఇంతా కాదు. తన సిక్స్ ప్యాక్స్ బాడీతో యువకులను ఇన్స్పిరేషన్గా నిలిచే ఈ స్టార్ హీరో.. సినిమాలో మంచి నటుడిగా గుర్తింపు పొందేందుకు తీవ్రంగా ప్రయత్నాలు చేస్తూనే ఉన్నారు. ఆయనకు మంచి క్రేజే ఉంది. అయితే సుధీర్.. పలు సందర్భాల్లో సోషల్ మీడియాలో ఫ్యామిలీకి సంబంధించిన ఫొటోస్ను షేర్ చేస్తుంటారు. అలా ఆయనకు ఇద్దరు పిల్లలున్నారన్న విషయం ఈ మధ్యనే చాలా మందికి తెలిసింది.
సుధీర్కు 2006లో వివాహం జరగ్గా చరిత్ మానస్, దర్శన్ అనే ఇద్దరు అబ్బాయిలు ఉన్నారు. అయితే అందులో పెద్ద కుమారుడు చరిత్ మానస్ ఇప్పుడు సోషల్ మీడియాలో ట్రెండ్ అవుతున్నాడు. లేటెస్ట్గా తనకు సంబంధించిన ఓ వీడియో సోషల్ మీడియాలో వైరల్ అవుతోంది. అందులో చరిత్ చూసేందుకు అచ్చం తన మేనమామ మహేశ్ బాబు లుక్స్లో కనిపించాడు. దీంతో నెటిజన్లు అచ్చం మహేశ్లా ఉన్నాడే అని అభిప్రాయపడుతున్నారు. సేమ్ స్మైల్, సేమ్ మేనరిజం చూపిస్తున్నాడంటూ కామెంట్లు పెడుతున్నారు. కొంతమందేమో మహేశ్కు సంబంధించిన ఓ వీడియోను.. తాజా వీడియోకు జోడించి ఇద్దరూ సేమ్ టు సేమ్ అంటూ ట్రెండ్ చేస్తున్నారు.