'గురు', 'ఆకాశమే నీ హద్దురా' లాంటి సూపర్హిట్ మూవీస్ను సినీ ఇండస్ట్రీకి పరిచయం చేసిన దర్శకురాలు సుధా కొంగరకు గాయలయ్యాయి. ఓ హిందీ సినిమా షూట్లో పాల్గొన్న సమయంలో ఈ ప్రమాదం జరిగిందని అప్పుడే తన చేతికి గాయమయ్యిందని సమాచారం. ఈ విషయాన్ని దర్శకురాలు తన సోషల్ మీడియా హ్యాండిల్లో షేర్ చేశారు. చాలా నొప్పిగా ఉందని..నెల రోజులు రెస్ట్ తీసుకోవాలని తెలిపారు.
స్టార్ డైరెక్టర్ సుధా కొంగరకు ప్రమాదం.. నెల రోజులు రెస్ట్..! - స్టార్ డైరక్టర్ సుధా కొంగరకు ప్రమాదం
స్టార్ డైరక్టర్ సుధా కొంగరకు ప్రమాదం జరిగింది. ఈ విషయాన్ని ఆమె ట్విట్టర్ వేదికగా షేర్ చేశారు. ప్రస్తుతం ఆమె బెడ్ రెస్ట్ తీసుకుంటున్నట్లు తెలిపారు.స్టార్ డైరక్టర్ సుధా కొంగరకు
sudha kongara
కాగా సుధా ప్రస్తుతం 'సూరరై పోట్రు' సినిమా హిందీ రీమెక్ షూట్లో బిజీగా ఉన్నారు. అక్షయ్ కుమార్ లీడ్రోల్లో తెరకెక్కుతున్న ఈ సినిమాలో రాధిక మదన్ నటిస్తున్నారు. అయితే ఈ ప్రమాదం ఎలా జరిగిందన్న విషయం ఇంకా తెలియాల్సి ఉంది. మరోవైపు ఈ స్టార్ డైరక్టర్ తమిళ హీరో సూర్యతో మరో ప్రాజెక్ట్ తీయడానికి సిద్ధమయ్యారు. ఈ ప్రాజెక్ట్కు సంబంధించిన వివరాలు ఇంకా అధికారికంగా వెలువడలేదు.
Last Updated : Feb 5, 2023, 2:43 PM IST