బాలీవుడ్ హీరో షారుక్ ఖాన్ నటిస్తున్న జవాన్ మూవీ చిక్కుల్లో పడింది. ఈ చిత్ర డైరెక్టర్‌ అట్లీపై ఓ కోలీవుడ్ నిర్మాత ఫిర్యాదు చేసినట్లు తమిళ మీడియాల్లో వార్తలు వస్తున్నాయి.
అసలేం జరిగిందంటే.. బాలీవుడ్ బాద్షా షారుక్ హీరోగా అట్లీ దర్శకత్వంలో జవాన్ మూవీ తెరకెక్కుతోంది. ప్రస్తుతం శరవేగంగా షూటింగ్ జరుపుకుంటున్న ఈ చిత్రంలో లేడీ సూపర్‌ స్టార్‌ నయనతార హీరోయిన్‌గా నటిస్తోంది. దీంతో ఈ మూవీపై ఇండియన్ వైడ్ భారీ అంచనాలు నెలకొన్నాయి. ఈ నేపథ్యంలోనే ఈ సినిమా కథ తనదని, దర్శకుడు అట్లీ దానిని కాపీ కొట్టారని కోలీవుడ్ నిర్మాత మాణిక్యం నారాయణన్‌ ఆరోపించారు.