Sree Leela VD 12 : శ్రీలీల.. టాలీవుడ్ ఇండస్ట్రీలో ఇప్పుడు ఎక్కడా చూసిన ఈ హీరోయిన్ గురించే టాపిక్. ఇండస్ట్రీలోకి వచ్చిన అతికొద్ది కాలంలోనే స్టార్డం తెచ్చుకున్న ఈ చిన్నది.. అనతికాలంలోనే అగ్రతారలతో స్క్రీన్ షేర్ చేసుకునే స్థాయికి ఎదిగింది. అలా ప్రస్తుతం చేతినిండా ప్రాజెక్టులతో బిజీబిజీగా ఉంది. రామ్‌ పోతినేని, 'స్కంద' బాలకృష్ణతో 'భగవంత్ కేసరి', ఆ తర్వాత వైష్ణవ్ తేజ్‌తో 'ఆదికేశవ్', నితిన్‌తో 'ఎక్స్‌ట్రా ఆర్డినరీ మ్యాన్' ఇలా వరుసగా తన సినిమాలు రిలీజ్కు రెడీగా ఉన్నాయి. పవన్ కళ్యాణ్తో 'ఉస్తాద్ భగత్ సింగ్', మహేశ్ బాబుతో 'గుంటూరు కారం' కూడా లైనప్లో ఉంది.
VD 12 Cast : అయితే గతంలో రౌడీ హీరో విజయ్ దేవరకొండతో 'VD 12' అనే చిత్రంలో శ్రీలీల నటిస్తుందని అప్పట్లో అఫీషియల్ అనౌన్స్మెంట్ కూడా జరిగింది. దీనికి సంబంధించిన పూజ కార్యక్రమానికి కూడా శ్రీలీల హాజరైంది. అయితే ఈ సినిమా నుంచి శ్రీ లీల తప్పుకోనుందట. తన కాల్షీట్లో డేట్స్ అడ్జస్ట్ కాకపోవడం వల్ల శ్రీ లీల ఆ అవకాశాన్ని వదులుకోవాల్సి వచ్చిందని తాజా సమాచారం. దీంతో ఆమె స్థానంలో నేషనల్ క్రష్ రష్మిక ఈ సినిమాలో విజయ్ సరసన నటించనుందని టాక్. అయితే ఈ విషయంపై ఎటువంటి అఫీషియల్ అనౌన్స్మెంట్ రాలేదు. అయినప్పటికీ ఈ రూమర్ విన్న ఫ్యాన్స్ ఆనందంతో ఉబ్బితబ్బిపోతున్నారు. తమ ఫేవరట్ కపుల్ను స్క్రీన్పై ముచ్చటగా మూడోసారి చూడొచ్చని సంబరపడుతున్నారు. ఈ వార్త నిజమైతే బాగున్ను అంటూ కామెంట్లు పెడుతున్నారు.