టాలీవుడ్లో మరో క్రేజీ కాంబినేషన్ సిద్ధమవుతోంది. సినీ అభిమానులకు ఫుల్ కిక్ అందించేందుకు ప్రేక్షకుల ముందుకు రాబోతోంది. మెగాస్టార్ చిరంజీవితో జట్టుకట్టబోతున్నారు స్టార్ డైరెక్టర్ పూరి జగాన్నాథ్. ఎప్పటినుంచో ఊరిస్తున్న ఈ కాంబినేషన్ వర్కవుటైతే.. మరో ఇండస్ట్రీ హిట్ పక్కా అని అంటున్నారు ఫ్యాన్స్. కాగా, పూరి జగన్నాథ్ ప్రాజెక్టుకు చిరంజీవి ఇప్పటికే గ్రీన్ సిగ్నల్ ఇచ్చినట్లు.. సినిమా దాదాపు ఖరారైనట్లు టాలీవుడ్ వర్గాలలో చర్చ నడుస్తోంది. ఈ మేరకు అధికారిక ప్రకటన కూడా వచ్చే అవకాశం ఉందని తెలుస్తోంది. అయితే, చిత్ర బృందం నుంచి అఫీషియల్ స్టేట్మెంట్ వచ్చేవరకు ఈ విషయంపై స్పష్టత రాదు.
పూరి మరోసారి మెప్పిస్తే మెగా ప్రాజెక్ట్ షురూ..!
సినీ అభిమానులను అలరించేందుకు మరో క్రేజీ కాంబినేషన్ సిద్ధమవుతోంది. మెగాస్టార్ చిరంజీవి.. స్టార్ డైరెక్టర్ పూరి జగన్నాథ్ దర్శకత్వంలో సినిమా చేయబోతున్నారని తెలుస్తోంది. కాగా, ఇప్పటికే ఈ ప్రాజెక్టుకు మెగాస్టార్ గ్రీన్ సిగ్నల్ ఇచ్చినట్లు సమాచారం. ఆ వివరాలు..
megastar chiranjeevi movie with puri jagannadh
కాగా, ప్రస్తుతం మెగాస్టార్ చిరంజీవి 'భోళాశంకర్' సినిమా చేస్తున్నారు. ఆ మూవీ పూర్తైన తర్వాత వెంకీ కుడుముల డైరెక్షన్లో ఆయన మరో సినిమా చేయాల్సి ఉంది. అయితే వెంకీ కుడుములతో సినిమా ఆగిపోయిందనే ప్రచారం జరుగుతోంది. కానీ దానిపై అధికారిక సమాచారం రావాల్సి ఉంది. ఇక, 'ఇస్మార్ట్ శంకర్' చిత్రంతో బ్లాక్బస్టర్ అందుకున్న పూరి జగన్నాథ్.. ఆ తర్వాత విజయ్ దేవరకొండ దర్శకత్వంలో చేసిన 'లైగర్' సినిమా చేశారు. అయితే ఈ మాత్రం బాక్సాఫీసు ముందు ఆశించినంతగా రాణించలేకపోయింది. దీంతో విజయ్ దేవరకొండతో చేయాలనుకున్న 'జనగణమన' అనే చిత్రం కూడా పక్కకు వెళ్లింది. కాగా, ఇప్పుడు మెగాస్టార్ సినిమాతోనైనా పూరి దారిలో పడతాడో లేదో అనే విషయం.. ఈ మూవీ సెట్స్పైకి వెళితే క్లారిటీ వస్తుంది.