Skanda Trailer Launch Event : ఎనర్జిటిక్ స్టార్ రామ్ పోతినేని-దర్శకుడు బోయపాటి శ్రీనివాస్ కాంబినేషన్లో రూపొందుతున్న భారీ పాన్ ఇండియా చిత్రం 'స్కంద'. శ్రీలీల హీరోయిన్గా నటించింది. తాజాగా ఈ మూవీ ప్రీ రిలీజ్ థండర్ ఈవెంట్ ఆగస్టు 26న శిల్పా కళా వేదికలో గ్రాండ్గా నిర్వహించారు. ఈ ఈవెంట్కు చీఫ్ గెస్ట్గా బాలకృష్ణ హాజరై సందడి చేశారు.
కార్యక్రమంలో భాగంగా.. జై బాలయ్య అంటూ బోయపాటి శ్రీనివాస్ స్పీచ్ మొదలు పెట్టారు. అఖండ 2 చేస్తాను అంటూ క్లారిటీ ఇచ్చారు. "జై బాలయ్య.. త్వరలోనే అఖండ 2 చేస్తాను. కాస్త సమయం పడుతుంది. ఇక మీ గుండెల్లో నుంచి జై బాలయ్య అనే పదం ఎలా వస్తుందో చెప్తాను. నేను బాలయ్య గారితో 15 సంవత్సరాలుగా జర్నీ చేస్తున్నాను. ఈ ప్రయాణంలో ఒకటి తెలుసుకున్నాను. కొంత మంది వ్యక్తులు కాదు.. శక్తులు. ఆ శక్తే బాలయ్య. ఎందుకంటే ఆయనకు ఓ పదమైనా, పాత్రనా కచ్చితంగా లొంగుతుంది. దటీజ్ బాలయ్య.. జై బాలయ్య. బాలయ్య గారు ఆశీర్వదిస్తే.. అమోఘం. ఎంతో విలువ ఉంటుంది. ఆయన ఆశీర్వదంలో మనహితంతో పాటు.. జనహితం కూడా ఉంటుంది. అందుకే దటీజ్ బాలయ్య. జై బాలయ్య. ఆయనకు మనస్ఫూర్తిగా కృతజ్ఞతలు తెలియజేస్తున్నాను" అని బాలయ్య అన్నారు.
"ఇక స్కంద(Ram pothineni Skanda Movie) విషయానికి వస్తే.. ఈరోజు ఒక మంచి సినిమా చేసి.. మీ ముందుకు వస్తున్నాను. ఒక్క మాట నేను చెప్పగలను.. గుండె మీద చేయి వేసుకుని సినిమా చూడండి. యాక్షన్‌, ఎమోషన్స్‌ అన్నీ పుష్కలంగా ఉన్నాయి. ఇదో అద్భుతమైన ఫ్యామిలీ. పరిపూర్ణమైన సినిమా. ఇక హీరో పోతినేని గురించి ఓకే మాట చెప్తాను. ఆ మాట ఏంటంటే... తపన. రామ్ అంటే ఎనర్జీ అంటారు. ఎనర్టీ అందరిలోనూ ఉంటుంది. ఓ క్యారెక్టర్ చెప్పినప్పుడు ఎలా చేయాలి అనే తపన ఉంటుంది కదా ఆ తపనే రామ్ పోతినేని. అదే రామ్ను ఈ స్థాయికి తీసుకొచ్చింది." అని బోయపాటి పేర్కొన్నారు.