Skanda Pre Release Event : రామ్ పోతినేని, బోయపాటి శ్రీనివాస్‌ కాంబోలో వస్తున్న చిత్రం 'స్కంద'. రామ్ కెరీర్లో తెరకెక్కుతున్న మొదటి పాన్ ఇండియా సినిమా ఇది. ఇందులో శ్రీలీల హీరోయిన్గా నటించింది. తాజాగా ఈ మూవీ ప్రీ రిలీజ్ థండర్ ఈవెంట్ ఆగస్టు 26న శిల్పా కళా వేదికలో గ్రాండ్గా నిర్వహించారు. ఈ ఈవెంట్కు చీఫ్ గెస్ట్గా బాలకృష్ణ హాజరై ఇంట్రెస్టింగ్ కామెంట్స్ చేశారు.
Skanda Trailer Launch Event Balakrishna :బాలయ్య మాట్లాడుతూ.. "ఇక్కడికి వచ్చినందుకు చాలా సంతోషంగా ఉంది. స్కంద అనే టైటిల్కు నా శిరస్సు వచ్చి భక్తి భావం తెలియజేస్తున్నాను. నేను.. బోయపాటి కలిసి 'సింహా', 'లెజెండ్‌', 'అఖండ' లాంటి సక్సెస్ఫుల్ మూవీస్ చేశాం. ఇప్పుడు రామ్ - బోయపాటి కలయికలో వస్తున్న 'స్కంద' పెద్ద విజయాన్ని సాధించాలని కోరుకుంటున్నాను. కొత్త నేపథ్యాల్ని ఆదరిస్తున్న తెలుగు ప్రేక్షకులకు ధన్యవాదాలు. తెలుగు సినిమాలు మన దేశంలోనే కాదు.. విదేశాల్లో కూడా పట్టం కడుతున్నారు. మా నాన్నగారు కూడా చలన చిత్ర అభివృద్ధి కోసం ఎన్నో ప్రయోగాలు చేశారు." అని అన్నారు.
"ఈ రోజుల్లో సినిమా అంటే ఎలా ఉండాలి, ఆడియెన్స్ను ఎలా థియేటర్లకు రప్పించాలి అన్న విషయంపై దర్శక నిర్మాతలు బాగా ఫోకస్ పెట్టాలి. రామ్ తెలంగాణ నేపథ్యంలో ఇస్మార్ట్ శంకర్‌ చేసి నాకొక ఛాలెంజ్ విసిరాడు. ఇప్పుడు నేను అదే నేపథ్యంలో 'భగవంత్‌ కేసరి' చేశాను. ఆయన మళ్లీ డబుల్ ఇస్మార్ట్ చేస్తున్నాడు. నేను డిగ్రి చదివితే.. ఆయన పీహెచ్ డీ చేశాడు. నేనింకా పాస్‌ అవ్వాల్సి ఉంది. ఇక్కడ నేను ఒక తిక్కకు లెక్కలేని రామ్ పోతినేని... 2006లో దేవదాసు ఓపెనింగ్కు వచ్చాను. ఇప్పుడు స్కంధ ప్రీ రిలీజ్ ఈవెంట్కు వచ్చాను. అప్పటి నుంచి రామ్ ప్రయాణాన్ని చూస్తున్నాను. విభిన్న నేపథ్యమున్న కథలు, పాత్రలు ఎంచుకుంటూ ముందుకెళ్తున్నాడు. తెలుగు కళామతల్లి ఇచ్చిన వరం రామ్. ఇలాంటి ఎన్నో సినిమాలను రామ్ చేయాలని.. కళామతల్లి ఆశీర్వాదించాలని కోరుకుంటున్నాను. తమన్ గురించి చెప్పనక్కరలేదు. అఖండ చెప్పింది. బాక్సులు బద్దలైపోయాయి. రికార్డ్లు బద్దలైపోయాయి. ఇక శ్రీలీల.. అచ్చమైన తెలుగు హీరోయిన్. అందం..అభినయం..నాట్యం.. అన్ని కలగలిసిన మంచి నటి. ప్రతి సీన్ లో డెడికెషన్, తపన ఆమెలో ఉంది. ఇన్ని సినిమాలు చేస్తున్న ఆమెలో ఎనర్జీ తగ్గద్దు. తన డెడికెషన్కు హ్యాండ్సాఫ్. కచ్చితంగా ఈ సినిమా ప్రేక్షకులకు కనులవిందు చేస్తుందని నమ్ముతున్నా" అని బాలయ్య పేర్కొన్నారు.
Sreeleela Upcoming Movies : శ్రీలీల.. అసలు సవాల్ మొదలైంది.. ఇకపై నాన్స్టాప్గా ప్రతి నెల ఓ మూవీ
యాక్టింగ్లోనే కాదు.. డ్యాన్స్లోనూ తగ్గేదేలే.. రామ్- నితిన్తో శ్రీలీల స్టెప్పులు కేక!
