బోయపాటి బాబాయ్​ మరీ ఇలా దొరికేశావేంటి - జర చూసుకోవాల్సింది!

Skanda Movie OTT : టాలీవుడ్​ ఎనర్జిటిక్ హీరో రామ్​ - బోయపాటి శ్రీను కాంబోలో వచ్చిన లేటెస్ట్​ మూవీ 'స్కంద'. తాజాగా ఈ మూవీ థియేటర్లలో సందడి చేసింది. అయితే నెటిజన్లు ఈ సినిమాలోని కొన్ని సీన్స్​ను తెగ ట్రోల్స్​ చేస్తున్నారు. ఇంతకీ అవేంటంటే..

Skanda Movie OTT : ఎనర్జిటిక్​ హీరో రామ్​- బోయపాటి శ్రీను కాంబోలో వచ్చిన లేటెస్ట్ మూవీ 'స్కంద'. భారీ అంచనాల నడుమ వచ్చిన ఈ సినిమా మాస్​ ఆడియెన్స్​ను బాగా ఆకట్టుకుంది. బోయపాటి మార్క్​తో సరికొత్త స్టోరీలైన్​తో ప్రేక్షకులను అలరించిన ఈ సినిమా తాజాగా ఓటీటీ వేదికగా స్ట్రీమ్​ అవుతోంది. దీంతో థియేటర్లలో మిస్​ అయిన ఫ్యాన్స్ ఈ సినిమాను ఓటీటీల్లో చూడటం మొదలెట్టారు. అయితే నెటిజన్లు ఈ సినిమాలోని ఒక్కో సీన్​ను తీక్షణంగా పరిశీలిస్తూ కొన్ని కొన్ని అంశాలను కనిపెడుతున్నారు. ప్రస్తుతం ఆ సీన్స్​ నెట్టింట ట్రోలింగ్​కు గురవుతోంది.

ఓ వైపు హీరో చేతిలో కాల్పుకు గురై.. ఇంకోవైపు ఆ సీన్​ను చూస్తున్న వారిలో కూడా అదే వ్య‌క్తి క‌నిపించిన సీన్ గురించి మామూలుగా ట్రోలింగ్ జ‌ర‌గ‌ట్లేదు. అలాగే పొలిటిక‌ల్ సైన్స్ క్లాసులో ఉన్న అమ్మాయిలు సంబంధం లేని పుస్త‌కాలు ప‌ట్టుకుని క‌నిపించిన షాట్ కూడా ఇప్పుడు నెట్టింట తెగ ట్రెండ్​ అవుతోంది. అయితే తాజాగా మరో సీన్​తో ఇప్పుడు డైరెక్టర్​ను తెగ ట్రోల్​ చేస్తున్నారు.

సినిమాలోని క్లైమాక్స్ ఫైట్లో హీరో రామ్ దీప స్తంభాలు తీసుకుని విల‌న్ల మీద ఎటాక్ చేసే సీన్​ ఒక‌టి ఉంటుంది. దాన్ని మామూలుగా చూస్తే మనకు ఏం తేడాగా అనిపించ‌దు. కానీ ఓటీటీలో సినిమాలు చూసే వారు మాత్రం ఆ షాట్​ను స్లో మోషన్​లో గ‌మ‌నించి.. ఒక చోట మాత్రం రామ్ స్థానంలో బోయ‌పాటి నిల‌బ‌డి ఉన్న ఆ షాట్‌ను త‌న మీదే షూట్ చేయించుకున్న విష‌యాన్ని క‌నిపెట్టేశారు. అచ్చం రామ్ లాగే డ్రెస్ వేసుకుని బోయ‌పాటే ఆ షాట్ చేశారు. అయితే అది ఎడిటింగ్​ మిస్టేకా లేకుంటే ఆ స‌మ‌యానికి హీరో అందుబాటులో లేనందున అలా చేశారో తెలియదు కానీ.. నెట్టింట మాత్రం ఈ సీన్​కు తెగ ట్రోల్​ చేస్తున్నారు. గ‌తంలో 'గ‌బ్బ‌ర్ సింగ్' సినిమాలోని ఒక షాట్​లో హ‌రీశ్​ శంక‌ర్ సైతం ప‌వ‌న్ క‌ల్యాణ్‌కు డూప్‌గా న‌టించి తెగ ట్రెండ్ అయిన సంగ‌తి తెలిసిందే.