శివకార్తికేయన్ కొత్త సినిమా టైటిల్​ టీజర్​ రిలీజ్​​​​.. హీరోయిన్​గా సామ్​!

Sivakarthikeyan new movie title: తమిళ స్టార్​ హీరో శివ‌కార్తికేయ‌న్​ 22వ సినిమా టైటిల్​ టీజర్​ను సూపర్​స్టార్​ మహేశ్​బాబు విడుదల చేశారు. యాక్షన్​ సీన్స్​తో మొదలైన ఈ వీడియో ఆద్యంతం ఆకట్టుకునేలా ఉంది.

Sivakarthikeyan new movie title: 'డాక్టర్','డాన్' సినిమాలతో భారీ సక్సెస్​ను అందుకున్నారు తమిళ స్టార్​ హీరో శివ‌కార్తికేయ‌న్‌. కోలీవుడ్​లో కమల్​హాసన్​ 'విక్రమ్' తర్వాత బిగ్​హిట్​గా డాన్ నిలిచి వంద కోట్లకు పైగా కలెక్షన్స్​ను సాధించింది. ఈ విజయంతో జోరుమీదున్న కార్తికేయన్​.. తన కొత్త సినిమాల్ని సెట్స్​పైకి తీసుకొస్తున్నారు. ఈ క్రమంలోనే తన 22వ మూవీ టైటిల్​ను మేకర్స్​ ప్రకటించారు.

మ‌డోన్నే అశ్విన్ ద‌ర్శ‌క‌త్వంలో రూపొంద‌నున్న ఈ చిత్రానికి త‌మిళంలో 'మావీర‌న్‌', తెలుగులో 'మ‌హావీరుడు' అనే టైటిల్​ను ఖ‌రారు చేశారు. యాక్ష‌న్ టీజ‌ర్​తో టైటిల్​ను ప్ర‌క‌టించారు. ఇందులో చేతులు క‌ట్టివేసి ఉండ‌గానే విల‌న్స్​తో శివ‌కార్తికేయ‌న్ ఫైట్ చేస్తున్న‌ట్లుగా చూపించారు. అత‌డి ముఖం క‌నిపించ‌కుండా చీక‌ట్లో స్టైలిష్​గా ఈ యాక్షన్ సీక్వెన్స్​ను చిత్రీక‌రించారు. ఈ టైటిల్​ అనౌన్స్​మెంట్​ వీడియోను తెలుగులో మహేశ్​బాబు రిలీజ్ చేశారు. కాగా ఈ సినిమాలో శివ‌కార్తికేయ‌న్‌కు జోడీగా స‌మంత నటిస్తున్నట్లు ప్రచారం సాగుతోంది. క‌థ న‌చ్చ‌డంతో ఈ ముద్దుగుమ్మ అంగీక‌రించిన‌ట్లు స‌మాచారం. గ‌తంలో ఈ జోడీ 'సీమ‌రాజా' సినిమాలో నటించారు. కార్తికేయన్​.. ఈ చిత్రంతో పాటు తెలుగులో 'జాతిర‌త్నాలు' ఫేమ్ అనుదీప్ ద‌ర్శ‌క‌త్వంలో 'ప్రిన్స్' చిత్రాన్ని చేస్తున్నారు.

ఇదీ చూడండి: ఎక్స్​ బాయ్​ఫ్రెండ్స్​తో జాన్వీ, సారా.. రొమాన్స్​ చేస్తున్న ఫొటోస్​ లీక్​!