Siddharth Malhotra Yodha Movie : 'స్టూడెంట్ ఆఫ్ ద ఇయర్' సినిమాతో సినీ తెరంగేట్రం చేసి అమ్మాయిల మనసులు దోచుకున్నారు బాలీవుడ్ హీరో సిద్ధార్థ్ మల్హోత్రా. తొలి సినిమాతోనే యూత్ను ఆకట్టుకున్న ఈ స్టార్.. ఆ తర్వాత ట్రెండ్ను సెట్ చేస్తూ వరుస సినిమాల ఆఫర్లను అందిపుచ్చుకున్నారు. కెరీర్ తొలిరోజుల్లో లవర్ బాయ్ క్యారెక్టర్లు చేసిన సిద్ధార్థ్ ఆ తర్వాత.. యాక్షన్ రోల్స్ చేస్తూ తనలోని ఇంకో యాంగిల్ను ప్రేక్షకులను చూపించారు. 'ఏక్ విల‌న్', 'షెహ‌న్‌షా' లాంటి సినిమాలు సిద్కు స్టార్డం తెచ్చిపెట్టాయి అనడంలో ఏ మాత్రం సందేహం లేదు.
ముఖ్యంగా 'షెహ‌న్‌షా'లో ఆయన నటనకు ప్రశంసలు అందుకున్నారు. ఇక ఈ సినిమాతో కెరీర్ టర్నింగ్ పాయింట్ అందుకున్న సిద్..వ‌రుస‌గా భారీ చిత్రాల్లో న‌టించడం ప్రారంభించారు. అయితే ఇటీవలే వచ్చిన 'మిష‌న్ మ‌జ్ను' మాత్రం తీవ్ర నిరాశ‌ప‌రిచింది. అయితే తాజాగా 'యోధ' అనే సినిమాలో ఆయన కీలక పాత్రలో నటించారు.
యాక్షన్ థ్రిల్లర్గా తెరకెక్కుతున్న ఈ సినిమాలో సిద్ మునుపెన్నడు లేని యాక్షన్ సీన్స్లో నటించనున్నారని టాక్. అయితే ఈ సినిమా విడుదల తేదీపై మాత్రం ఇప్పటి వరకు క్లారిటీ రాలేదు. అయితే ఈ సినిమా ఇప్పటికే నాలుగుసార్లు వాయిదా ప‌డ‌టం గ‌మ‌నార్హం.
తొలుత ఈ సినిమాను ఈ ఏడాది జులై 7 విడుదల చేస్తున్నట్లు ప్రకటించారు. కానీ ఆ తేదీని మార్చేసి సెప్టెంబర్ 15కు ఖరారు చేశారు. కానీ అప్పుడు కూడా కొన్ని అనివార్య కారణాల వల్ల చివ‌ర‌గా ఈ సినిమాను డిసెంబ‌రు 8న విడుదల చేస్తామని ప్రకటించారు. దీంతో ఈసారైనా కచ్చితంగా రిలీజ‌వుతుందేమో అని అనుకుంటే.. ఆ డేట్ను కూడా మార్చేసి డిసెంబర్ 15కు ఫిక్స్ చేశారు.