'దీపావళి లోపు చంపేస్తాం'.. బాలీవుడ్ నటి​ తండ్రికి బెదిరింపు కాల్

బాలీవుడ్​ నటి షెహ్​నాజ్​ గిల్​ తండ్రికి బెదిరింపు కాల్​ వచ్చింది. దీపావళి లోపు ఇంట్లోకి వచ్చి మరీ చంపేస్తామని బెదిరించారు. ఇంతకీ ఏం జరిగిందంటే..

బాలీవుడ్​ నటి, బిగ్​ బాస్​ కంటెస్టెంట్ షెహ్​నాజ్​ గిల్ తండ్రి సంతోఖ్​ సింగ్​ను చంపేస్తామని బెదిరించారు దుండగులు. ఫోన్​ చేసి దీపావళి లోపు చంపేస్తామన్నారు. దీంతో సంతోఖ్​ సింగ్​ పోలీసులకు ఫిర్యాదు చేశారు.

అసలేం జరిగిందంటే.. షెహ్​నాజ్​ గిల్ తండ్రి పంజాబ్​లోని బియాస్​ నుంచి తారంటన్ వెళ్తున్నారు. మార్గమధ్యలో అతడికి ఓ ఫోన్​ కాల్​ వచ్చింది. కాల్​ లిఫ్ట్​ చేయగానే తిట్ల పురాణం మొదలుపెట్టారు కొందరు గుర్తుతెలియని దుండగులు. కొద్దిసేపటి తర్వాత.. 'మీ ఇంట్లోకి వచ్చి.. దీపావళి లోపు ముందే చంపేస్తాం' అని బెదిరించారు. దీంతో సంతోఖ్​ సింగ్​ పోలీస్​ స్టేషన్​లో ఫిర్యాదు చేశారు.

అయితే సంతోఖ్​ను చంపడానికి 2021లో ఇలాంటి ప్రయత్నం జరిగింది. సంతోఖ్​ భారతీయ జనతా పార్టీ(భాజపా)లో చేరిన తర్వాత.. 2021 డిసెంబర్ 25న అతడిపై ఇద్దరు దుండగులు దాడికి పాల్పడ్డారు. సంతోఖ్​పై కాల్పులకు తెగబడి.. నాలుగు రౌండ్లు కాల్చారు. అనంతరం అతడి గన్​మెన్​ రావడంతో ఆ దుండగులు పారిపోయారు.

ఇవీ చదవండి:నవమీ గాయక్​.. అందమైన 'పంచ్లు' విసిరే పద్ధతైన పిల్ల!