బాలీవుడ్ కింగ్‌ ఖాన్ షారుక్ ఖాన్, దీపికా పదుకొణె ప్రధాన పాత్రల్లో నటించిన చిత్రం 'పఠాన్'. దాదాపు ఐదేళ్వ తర్వాత షారుక్ ఖాన్ వెండితెరపై సందడి చేయడంతో అభిమానుల ఆనందానికి అవధుల్లేకుండా పోయాయి. సిద్దార్థ్‌ ఆనంద్ దర్శకత్వంలో వచ్చిన ఈ సినిమా బాక్సాఫీస్ను షేక్ చేస్తోంది. కలెక్షన్ల విషయంలో తొలి రోజు నుంచే దూసుకుడు ప్రదర్శిస్తున్న ఈ చిత్రం రెండు రోజుల్లోనే ప్రపంచవ్యాప్తంగా రూ.210 కోట్లకు పైగా వసూలు చేసింది. దేశవ్యాప్తంగా రూ.120కోట్లను అందుకుంది. ఈ నేపథ్యంలో దీనిపై స్పందించిన షారుక్ హర్షం వ్యక్తం చేశాడు. సోషల్మీడియా వేదికగా ట్వీట్ చేశాడు. 'వెనక్కి తిరిగివెళ్లడానికి నా దగ్గర ఏమీ లేవు. ఎప్పుడూ ముందుకే అడుగులు వేయాలి. వెనక్కి తగ్గొద్దు. జీవితం చాలా చిన్నది. ప్రారంభించిన పనిని ముగించేందుకు ప్రయత్నించండి. ఓ 57ఏళ్ల వ్యక్తి సలహా ఇది' అంటూ ట్వీట్ చేశారు.
'పఠాన్' ప్రభంజనం.. రెండు రోజుల్లోనే రూ.200కోట్లు.. వెనక్కి తగ్గేదే లే అంటూ షారుక్ ట్వీట్
బాక్సాఫీస్ వద్ద షారుక్ ఖాన్ పఠాన్ దూసుకెళ్తోంది. రెండు రోజుల్లో రూ.200కోట్లపైగా వసూళ్లను అందుకుంది. ఈ సందర్భంగా షారుక్ హర్షం వ్యక్తం చేస్తూ ఓ ట్వీట్ చేశారు. ఏం అన్నారంటే..
పఠాన్ 200కోట్లు
కాగా, స్పై యాక్ష‌న్ థ్రిల్ల‌ర్‌గా తెర‌కెక్కిన ఈ సినిమాకు సిద్ధార్థ్ ఆనంద్ ద‌ర్శ‌క‌త్వం వ‌హించారు. ఇందులో ఇండియ‌న్ రా ఏజెంట్గా షారుక్ ఖాన్ కనిపించారు. ఇక ఐఎస్ఐ ఏజెంట్ పాత్ర‌లో దీపికా ప‌డుకొణె నటించారు. బాలీవుడ్ భాయ్ స‌ల్మాన్‌ ఖాన్ అతిథి పాత్ర‌లో కనిపించి సినిమాకే హైలైట్గా నిలిచారు. భార‌త‌దేశంపై దాడికి ప్రణాళిక రచించిన ఓ ప్రైవేట్ ఏజెంట్ ప్లాన్‌ను పఠాన్ ఎలా మట్టుబెట్టాడన్నదే ఈ సినిమా కథాంశం. క‌థ కన్నా యాక్ష‌న్ అంశాల‌కే అధికంగా ప్రాముఖ్య‌త‌నిస్తూ ద‌ర్శ‌కుడు సిద్ధార్థ్ ఆనంద్ ఈ సినిమాను తెర‌కెక్కించారు.
ఇదీ చూడండి:పఠాన్పై ఆర్జీవి ఆసక్తికర ట్వీట్.. షారుఖ్ ఖాన్పై ప్రశంసల జల్లు