బాలీవుడ్ బాద్షా షారుక్ ఖాన్ నటించిన స్పై యాక్షన్ థ్రిల్లర్ మూవీ 'పఠాన్' విడుదలైనప్పటి నుంచి బాక్సాఫీస్ను షేక్ చేస్తూనే ఉంది. అదిరిపోయే రికార్డులను తిరగరాస్తోంది. విడుదలకు ముందు ఎన్నో విమర్శలు అందుకున్నప్పటికీ.. రిలీజ్ తర్వాత తొలి రోజు నుంచే అద్భుతమైన టాక్తో కలెక్షన్ల సునామీ సృష్టిస్తోంది. విడుదలై నెల రోజులు అవుతున్నా బాక్సాఫీసు వద్ద కలెక్షన్ల జోరు ఏమాత్రం తగ్గలేదు. తొలి వారం రోజుల్లో అయితే ఏకంగా వంద కోట్ల రూపాయల వసూళ్లను ఖాతాలో వేసుకుంది.
'బాహుబలి' రికార్డును బ్రేక్ చేసిన 'పఠాన్'.. తొలి ఇండియన్ మూవీగా ఘనత! - పఠాన్ బాహుబలి రికార్డు
షారుక్ 'పఠాన్' విడుదలై నెల రోజులు కావొస్తున్నా బాక్సాఫీస్ను ఇంకా షేక్ చేస్తూనే ఉంది. తాజాగా మరో అరుదైన ఫీట్ను అందుకుంది. బాలీవుడ్లో అత్యధిక వసూళ్లు రాబట్టిన బాహుబలి సినిమా రికార్డును బ్రేక్ చేసింది.
sharukh khan pathaan movie surpassed bahubali2 hindi lifetime collections
తాజాగా ఈ సినిమా బాలీవుడ్ బాక్సాఫీస్‌పై సరికొత్త రికార్డు నెలకొల్పింది. బాలీవుడ్లో అత్యధిక కలెక్షన్లు సాధించిన సినిమాగా సంచలనం సృష్టించింది. ఇన్నాళ్లు బాహుబలి-2 పేరిట ఉన్న ఈ రికార్డును పఠాన్ బ్రేక్ చేసింది. పోటీగా షెహజాదా, సెల్ఫీ వంటి సినిమాలున్నా పఠాన్ భారీ కలెక్షన్‌లతో దూసుకపోతుందంటే విశేషం అనే చెప్పాలి.
కాగా, పఠాన్ మూవీ స్త్పై యాక్షన్ థ్రిల్లర్ సినిమాగా రూపొందింది. ఈ చిత్రంలో షారుక్ సరసన బాలీవుడ్ బ్యూటీ దీపికా పదుకొణె నటించింది. జాన్ అబ్రహం కీలక పాత్రలో నటించారు. బాలీవుడ్ భాయ్ కండల వీరుడు సల్మాన్ ఖాన్ కెమియో రోల్లో కనిపించి ఆకట్టుకున్నారు. ఆయనకు షారుక్ మధ్య వచ్చే సన్నివేశాలు సినిమాకే హైలైట్గా నిలిచాయి. ఈ సినిమాకు సిద్ధార్థ్ ఆనంద్ దర్శకత్వం వహించారు.