Shankar Indian 2 Movie Update :స్టార్ దర్శకుడు శంకర్- లోకనాయకుడు కమల్హాసన్ కాంబోలో తెరకెక్కుతున్న భారీ బడ్జెట్ మూవీ 'ఇండియన్-2'. 90స్లో బ్లాక్ బస్టర్ టాక్ అందుకున్న 'ఇండియన్-1'కు సీక్వెల్గా రూపొందుతున్న ఈ సినిమాపై అభిమానుల్లో భారీ అంచనాలే ఉన్నాయి. అందుకు తగ్గట్టుగానే శంకర్ కూడా ఈ సినిమా విషయంలో తగు జాగ్రత్తలు తీసుకుంటున్నారు. ఇప్పటికే పలు మార్లు వాయిదా పడ్డ ఈ చిత్రం తాజాగా చిత్రీకరణను జరుపుకుంది. ఈ క్రమంలో మూవీ మేకర్స్ తాజాగా ఈ సినిమాకు సంబంధించిన ఓ అప్డేట్ను పంచుకున్నారు. 'ఇండియన్ 2' సినిమాకు సంబంధించిన డబ్బింగ్ సెషన్ ప్రారంభించినట్లు చెప్పుకొచ్చారు. ఈ సందర్భంగా ఓ వీడియోను కూడా షేర్ చేసారు. ఆ వీడియో చూస్తుంటే..ఈ సినిమా పోస్ట్ ప్రొడక్షన్ పనులు కూడా శరవేగంగా జరుగుతున్నట్లు కనిపిస్తోంది. అయితే విడుదల తేదీ గురించి ఇంకా క్లారిటీ రాలేదు.
Indian 2 Movie Shooting : ఎప్పుడో మొదలైన ఈ సినిమా షూటింగ్.. అనివార్య కారణాల వల్ల వాయిదా పడుతూ వచ్చింది. కానీ అన్నీ అడ్డంకులను అధిగమించి ఈ సినిమా ఇప్పుడు శరవేగంగా పూర్తవుతోంది. అయితే ఓ వైపు ఈ సినిమా కంప్లీట్ అవుతోందని కమల్ ఫ్యాన్స్ సంబరాలు చేసుకుంటుంటే.. మరోవైపు చెర్రీ ఫ్యాన్స్ మాత్రం కాస్త అసంతృప్తిగానే ఉన్నారు. 'గేమ్ ఛేంజర్' సినిమా విషయంలో శంకర్ ఎటువంటి అప్డేట్ ఇవ్వకపోవడమే దీనికి కారణం.
'ఇండియన్ 2' లేట్ అవుతుండటం వల్ల రామ్ చరణ్ తో 'గేమ్ ఛేంజర్' సినిమాను పట్టాలెక్కించారు శంకర్. అయితే మళ్లీ కమల్ హాసన్ సినిమా షూటింగ్ ప్రారంభించి.. రెండు సినిమాల పనులను చూసుకుంటూ వచ్చారు. దీంతో రామ్ చరణ్ సినిమా గురించి ఎటువంటి బజ్ బయటకి రావడం లేదు. 'గేమ్ ఛేంజర్' నిర్మాత దిల్ రాజు కూడా ఈ సినిమా గురించి ఏదైనా శంకర్నే అడగాలని చెబుతున్నారు. అంతే కాకుండా ఎప్పటికప్పుడు కంటెంట్ లీక్ అవుతుండటం వల్ల కూడా మెగా అభిమానులను ఆందోళ చెందుతున్నారు. ఏదీ ఏమైనప్పటికీ.. ఇప్పుడైనా 'గేమ్ ఛేంజర్' సినిమా గురించి అప్డేట్ ఇస్తే బాగుంటుందని ఫ్యాన్స్ అభిప్రాయపడుతున్నారు.