Shahrukh Khan Next Movie Update: 'పఠాన్', 'జవాన్' సినిమాలతో వరుస హిట్లు అందుకున్న బాలీవుడ్ బాద్షా షారుక్ ఖాన్ తాజాగా 'డంకీ' సినిమాతో ప్రేక్షకుల ముందుకొచ్చారు. 'త్రీ ఇడియట్స్' ఫేమ్ రాజ్కుమార్ హిరాణీ ఈ సినిమాను రూపొందించారు. డిసెంబర్ 21న ఈ చిత్రం ప్రపంచవ్యాప్తంగా విడుదలైన ఈ సినిమా ప్రస్తుతం పాజిటివ్ టాక్ అందుకుని థియేటర్లలో నడుస్తోంది. అయితే షారుక్ ఖాన్ తర్వాత ఎలాంటి సినిమాలు చేస్తారనే అనే విషయం ఆసక్తికరంగా మారాయి. ఈ విషయంపై తాజాగా కింగ్ క్రేజీ అప్డేట్ ఇచ్చారు.
ప్రస్తుతం డంకీ పాజిటివ్ టాక్తో రన్ అవుతోంది. ఈ సందర్భంగా షారుక్ పలు ఇంటర్వ్యూల్లో పాల్గొంటున్నారు. తాజాగా తన తదుపరి సినిమాలపై ఇంట్రెస్టింగ్ కామెంట్లు చేశారు. "ఈ సారి కొత్తగా ప్రయత్నించాలని అనుకుంటున్నా. ఇకపై నా వయసుకు తగిన సినిమాలు చేస్తాను. అందులోనూ నేను ప్రధాన పాత్రలో నటిస్తాను. అది అందరినీ ఆకట్టుకుంటుందని ఆశిస్తున్నా. నా నెక్ట్స్ మూవీ వచ్చే ఏడాది మార్చి లేదంటే ఏప్రిల్లో ప్రారంభం కానుంది" అని షారుక్ చెప్పారు. డంకీ రిలీజ్ తర్వాత ఒక్క రోజులో తన తదుపరి సినిమాల గురించి చెప్పటం, ఇకపై ఎలాంటి సినిమాలు చేస్తారనే విషయంపై షారుక్ మాట్లాడడం ప్రస్తుతం చర్చనీయాంశమైంది. అయితే తన కొత్త సినిమా ఎవరి దర్శకత్వంలో నటించనున్నారనే విషయాన్ని మాత్రం చెప్పలేదు.