Mannat name plate missing: మన్నత్.. బాంద్రా బీచ్ రోడ్డులో వెళ్తుంటే బాలీవుడ్ సూపర్స్టార్ షారుక్ నివాసానికి కేరాఫ్గా ఆయన ఇంటిముందు ఉండే పేరిది. అభిమానులు, ప్రముఖులు ఎవరైనా షారుక్ను కలవాలంటే మన్నత్ ముందు అడుగుపెట్టాల్సిందే. బీటౌన్లో షారుక్ ఇంటికి బ్రాండ్గా నిలిచిన ఈ పేరు ఇప్పుడు కనిపించకుండాపోతోంది! అదేనండి.. ఆ ఇంటి ముందు ఉన్న మన్నత్ నేమ్ప్లేట్ మిస్ అయింది. ఇదే ప్రస్తుతం అభిమానుల్లో హాట్ టాపిక్గా మారింది. ఈ బోర్డు చోరీకి గురైందా? లేక ఇంకేమైనా కారణాలు ఉన్నాయా అని నెటిజెన్లు చర్చించుకుంటున్నారు. అన్నట్టు.. ఈ నెమ్ప్లేట్ విలువ రూ. 25 లక్షలకుపైనే అని సమాచారం.
వజ్రాలు పొదిగిన షారుక్ ఇంటి నేమ్ప్లేట్ మిస్సింగ్!.. దాని విలువ ఎంతో తెలుసా?
Mannat name plate missing: 'షారుక్ ఖాన్ ఇంటికి కేరాఫ్ అయిన 'మన్నత్' నేమ్ప్లేట్ కనిపించట్లేదు. కారణం తెలుసా?'.. ఇటీవల సోషల్ మీడియాలో అభిమానులు చర్చించుకున్న విషయం ఇదే. దానిని ఎవరో దొంగిలించారు అని కొందరు అంటే.. వేరే కారణం ఉందంటున్నారు మరికొంతమంది. ఇంతకీ అసలు ఏం జరిగింది?
షారుక్
ఇదీ అసలు విషయం: షారుక్ ఇంటి బాధ్యత మొత్తం ఆయన సతీమణి గౌరీ ఖానే చూస్కుంటూ ఉంటారు. ఇంటీరియర్ డిజైనర్ కావడం వల్ల.. ఇల్లు ఎలా ఉండాలి అనేది ఆవిడే తేల్చిచెప్తారు. ఇటీవల ఏప్రిల్లో పాత నేమ్ప్లేట్ను తీసేసి.. వజ్రాలు పొదిగిన బోర్డును తగిలించారు. ఖరీదైన నేమ్ప్లేట్గా చెప్పుకుంటున్న ఈ బోర్డులో.. ఒక చిన్న వజ్రం మిస్ అయిందట. అందుకే దానిని రిపేయిర్ కోసం తొలగించారని.. త్వరలోనే మళ్లీ ఇంటి ముందు పెట్టిస్తారని సన్నిహిత వర్గాలు వెల్లడించాయి.
ఇదీ చూడండి :పొట్టి గౌన్లో శ్రద్ధాకపూర్.. టూ మచ్ హాట్గా అనన్య!