బాలీవుడ్ నుంచి వచ్చిన బంపర్ ఆఫర్ను అల్లు అర్జున్ వదులుకున్నారా? పుష్ప-2 చిత్రం షూటింగ్లో ఉన్న ఆయన.. షారుక్ సినిమాలో నటించేందుకు నో అని చెప్పారా? అంటే అవుననే అంటున్నాయి ఇండస్ట్రీ వర్గాలు! ప్రస్తుతం షారుక్ ఖాన్ జవాన్ సినిమా చేస్తున్నారు. ఈ ఏడాది జూన్ 2న ఆ చిత్రం పాన్ ఇండియా స్థాయిలో విడుదల కానుంది. ఇప్పటికే పఠాన్తో ఇండస్ట్రీ రికార్డులను తిరగరాశారు షారుక్. దీంతో ఆయన తదుపరి చిత్రమైన జవాన్పై అంచనాలు పెరిగిపోయాయి.
అయితే, ఈ సినిమాలో ఓ కీలక పాత్ర కోసం అల్లు అర్జున్ను చిత్ర బృందం సంప్రదించినట్లు ఇటీవలే వార్తలు వచ్చాయి. ఆ పాత్రకు ఐకాన్ స్టార్ అయితేనే సరిగ్గా సరిపోతారని మేకర్స్ భావించినట్లు సమాచారం. ఆ తర్వాత దీనిపై ఎలాంటి ప్రకటనా రాలేదు. అయితే, తాజా సమాచారం ప్రకారం ఈ ఆఫర్కు బన్నీ నో చెప్పారట! పుష్ప-2 చిత్రం షూటింగ్లో బిజీబిజీగా గడుపుతున్న అల్లు అర్జున్.. డేట్స్ సర్దుబాటు కాకపోవడం వల్ల షారుక్ చిత్రంలో నటించనని చెప్పారట. బన్నీకి ఇష్టం లేకపోయినా షారుక్ సినిమాకు నో చెప్పాల్సిన పరిస్థితి ఏర్పడిందని ఇండస్ట్రీ వర్గాల్లో టాక్ నడుస్తోంది.
'పుష్ప- ది రైజ్'కు సీక్వెల్గా 'పుష్ప- ది రూల్' చిత్రం తెరకెక్కుతోంది. స్మార్ట్ డైరెక్టర్ సుకుమార్ ఈ చిత్రానికి దర్శకత్వం వహిస్తున్నారు. రష్మిక మంధాన ఫీమేల్ లీడ్గా నటిస్తోంది. ఇంటెన్స్ క్యారెక్టరైజేషన్తో తెరకెక్కిన 'పుష్ప- ది రైజ్'.. దేశ, విదేశీ అభిమానుల నుంచి అనేక ప్రశంసలు అందుకుంది. బాలీవుడ్లో అంచనాలు లేకుండా రిలీజై.. సూపర్ హిట్గా నిలిచింది. హిందీ మార్కెట్లోనే ఏకంగా రూ.వంద కోట్లు రాబట్టింది! అల్లు అర్జున్ పాత్రకు అంతా ఫిదా అయిపోయారు. ఆయన చెప్పిన డైలాగ్లు, మేనరిజం అందరినీ అలరించాయి. బన్నీని అనుకరిస్తూ చేసిన రీల్స్, షార్ట్స్కు అయితే కొదువ లేదు. క్రికెటర్లు, సెలబ్రిటీలు సైతం ఆయన మూవ్స్ను ట్రై చేస్తూ సోషల్ మీడియాలో వీడియోలు పెట్టారు.
ఇక జవాన్ సినిమాలో షారుక్ డబుల్ రోల్ చేయనున్నారని సమాచారం. ఈ చిత్రంలో విజయ్ సేతుపతి కీలక పాత్ర పోషిస్తున్నారు. నయనతారను కథానాయికగా ఎంపిక చేశారు. గతంలో షారుక్తో చెన్నై ఎక్స్ప్రెస్ చిత్రంలో ఆడిపాడిన ప్రియమణి సైతం ఈ సినిమాలో ఉన్నారు. తమిళ డైరెక్టర్ అట్లీ.. ఈ చిత్రాన్ని తెరకెక్కిస్తున్నారు. హిందీ, తమిళం, తెలుగు, మళయాలం, కన్నడ భాషల్లో రిలీజ్ చేయనున్నారు. అనిరుధ్ రవిచందర్ మ్యూజిక్ అందిస్తున్న ఈ చిత్రం.. యాక్షన్ థ్రిల్లర్గా అభిమానులను అలరించనుంది.
