సోషల్ మీడియా - సెలబ్రిటీలు ఈ రెండిటి కనెక్షన్ గురించి ప్రత్యేకంగా చెప్పనక్కర్లేదు. ఈ సామాజిక మాధ్యమం ద్వారా సెలబ్రిటీల తమకు సంబంధించిన విషయాలను ఎప్పటికప్పుడు పంచుకుంటూ అభిమానులతో టచ్లో ఉంటారు. తెరపై కనుమరుగైపోయిన యాక్టర్స్ కూడా ఈ సోషల్మీడియా ద్వారా ఫ్యాన్స్కు, ఆడియెన్స్కు దగ్గరగా ఉంటారు. అలా సిల్వర్ స్క్రీన్కు దూరమైన నటుల్లో ఒకరైన నటి లయ కూడా గత కొద్ది కాలంగా సామాజిక మాధ్యమాల్లో ఫుల్ యాక్టివ్గా ఉంటూ ఫొటోషూట్స్, రీల్స్, డ్యాన్స్లతో ఆకట్టుకుంటున్నారు. అయితే తాజాగా చాలా కాలం తర్వాత ఓ యూట్యూబ్ ఛానల్కు ఇంటర్వ్యూ ఇచ్చారు. అలా హోమ్ టూర్ వీడియో చేశారు. తన పర్సనల్ లైఫ్తో పాటు సినీ కెరీర్కు సంబంధించిన విషయాలను కూడా తెలిపారు.
తనకు వచ్చిన అవార్డుల గురించి కూడా చెప్పి సంతోషడ్డారు. మూడు నంది అవార్డులు వచ్చినట్లు గుర్తుచేసిన లయ.. పురస్కారాలన్నింటినీ అమెరికాకు తీసుకెళ్లేందుకు ప్లాన్ చేస్తున్నట్లు చెప్పారు. తన ఇంట్లో పెంచుకునే పక్షుల గురించి చెప్పుకొచ్చారు. అన్ని భాషల్లో కలిపి దాదాపు 60కు పైగా సినిమాల్లో నటించినట్లు చెప్పిన ఆమె.. అందులో 40కుపైగా తెలుగే అని పేర్కొన్నారు. ఎన్టీఆర్ అరవింద సమేతలో నటించే అవకాశం వచ్చినా తాను చేయలేదని తెలిపారు. అప్పట్లో చీరలు మాత్రమే కట్టుకుని షూటింగ్ చేసే తాము.. అప్పుడప్పుడు ప్యాంట్స్, షర్ట్స్ వేసుకుని కూడా షూటింగ్ చేస్తామంటే నిర్మాతలు ఒప్పుకునే వారు కాదని వెల్లడించారు.