Nani Antey Sundaraniki Melody song: నేచురల్ స్టార్ హీరో నాని, నజ్రియా జంటగా నటిస్తున్న కొత్త చిత్రం 'అంటే సుందరానికి!'. ఇందులో సుందర్ ప్రసాద్ అనే పాత్రలో నటిస్తున్నారు నాని. బ్రాహ్మణ యువకుడిగా కనిపించనున్నారు. తాజాగా ఈ సినిమాకు సంబంధించి కొత్త అప్డేట్ వచ్చింది. ఈ చిత్రంలోని 'ఎంత చిత్రం' సాంగ్ను మే 9న ఉదయం 11.07గంటలకు రిలీజ్ చేయబోతున్నట్లు తెలిపారు మేకర్స్. దీంతో పాటే ఓ హీరోహీరోయిన్లకు సంబంధించిన కొత్త పోస్టర్ను కూడా విడుదల చేశారు. ఈ పోస్టర్ ఎంతో ఆకట్టుకునేలా ఉంది. దీని చూస్తుంటే మెలోడి లవ్ సాంగ్ రాబోతున్నట్లు అర్థమవుతోంది. కామెడీ ఎంటర్టైనర్గా తెరకెక్కుతున్న ఈ సినిమాకు వివేక్ ఆత్రేయ దర్శకుడు. మైత్రీ మూవీ మేకర్స్ నిర్మిస్తోంది. 2022 జూన్ 10న ఈ సినిమా విడుదల కానుంది. వివేక్ సాగర్ సంగీతం అందిస్తున్నారు.
మహేశ్-కీర్తి మాస్ డ్యాన్స్.. లవ్మూడ్లో నాని-నజ్రియా
కొత్త సినిమా అప్డేట్స్ వచ్చాయి. ఇందులో నాని 'అంటే సుందరానికి', మహేశ్బాబు 'సర్కారు వారి పాట' సంగతులు ఉన్నాయి. ఆ వివరాలు..
సర్కారు వారి పాట అంటే సుందరానికి అప్డేట్స్
Sarkaru vaaripata mass song: సూపర్ స్టార్ మహేశ్బాబు నటించిన 'సర్కారు వారి పాట' మాస్ సాంగ్ సిద్ధమైపోయింది. మాస్ మసాలాతో అందరినీ ఉర్రూతలూగించేందుకు 'మ..మ..మహేశా..' అంటూ మహేశ్ స్పీడ్గా దూసుకొచ్చేస్తున్నారు. మార్చి 7న ఈ పాటను రిలీజ్ చేయబోతున్నారు. దీనికి సంబంధించిన ఓ కొత్త పోస్టర్ను కూడా మూవీ టీమ్ విడుదల చేసింది. ఈ సీజన్లోనే అత్యంత మాస్ సాంగ్ 'మ..మ..మహేశ్' అని క్యాప్షన్ జోడించింది. ఇందులో మహేశ్, కీర్తి స్టెప్పులేస్తూ ఎంతో ఉత్సాహంగా కనిపించారు. పరశురామ్ డైరెక్ట్ చేసిన ఈ సినిమాకు తమన్ స్వరాలు సమకూర్చారు. మైత్రీ మూవీ మేకర్స్, 14 రీల్స్ నిర్మించింది. ఈ నెల 12న చిత్రం విడుదల కానుంది.
ఇదీ చూడండి:ఘనంగా ఏఆర్‌ రెహ్మాన్ కుమార్తె పెళ్లి.. వరుడు ఎవరంటే?