sarkaru vaari paata movie: పరశురాం దర్శకత్వంలో సూపర్ స్టార్ మహేశ్ బాబు, కీర్తి సురేశ్ జంటగా నటించిన చిత్రం 'సర్కారు వారి పాట'. సోమవారం విడుదలైన ఈ ట్రైలర్ రికార్డులు బద్దలు కొడుతోంది. 24 గంటల వ్యవధిలో తెలుగులో అత్యధిక వ్యూస్ సాధించిన సినిమా ట్రైలర్గా నిలిచింది. యూట్యూబ్లో నెం.1 స్థానంలో ట్రెండ్ అవుతోంది. ఈ ట్రైలర్లో మహేశ్ క్లాస్‌ అండ్‌ మాస్‌ లుక్స్‌, ఆయన చెప్పిన డైలాగ్స్‌ అభిమానులను హుషారెత్తించేలా ఉన్నాయి. ఈ నేపథ్యంలో చిత్ర బృందం ప్రమోషన్స్ వేగవంతం చేసింది. సినిమా దర్శకుడు పరశురాం, హీరోయిన్ కీర్తి సురేశ్.. ఈ సందర్భంగా ఇంటర్వ్యూలో పాల్గొన్నారు. ఇది మహేశ్ కోసమే సిద్ధం చేసిన సినిమా అని పరశురాం చెప్పుకొచ్చారు. పోకిరి, దూకుడు చిత్రాలకు భిన్నంగా ఈ సినిమా ఉంటుందని తెలిపారు. మహేశ్కు ఈ చిత్రం ప్రత్యేకంగా నిలిచిపోతుందని విశ్వాసం వ్యక్తం చేశారు.
ఈ సందర్భంగా పరశురాం, కీర్తి సురేశ్.. స్పెయిన్లో జరిగిన ఓ ఘటన గురించి చెప్పుకొచ్చారు. బార్సిలోనాలో షూటింగ్ జరుగుతుండగా దొంగలు రెచ్చిపోయారని కీర్తి చెప్పారు. ఆ నగరంలో దొంగల బెడద ఎక్కువ అని వివరించారు. 'కీర్తి సురేశ్ ధరించాల్సిన కాస్ట్యూమ్స్ను ఓ వ్యానులో ఉంచాం. తర్వాత ట్రయల్స్ చేసుకోవచ్చని వ్యానులో భద్రపరిచాం. కానీ దొంగలు వ్యానును బద్దలుకొట్టి.. కాస్ట్యూమ్స్ అన్నింటినీ ఎత్తుకెళ్లిపోయారు' అని డైరెక్టర్ పరశురాం చెప్పుకొచ్చారు.