Sankranthi 2024 Movies Runtime : ఈ సంక్రాంతి సీజన్‌ను క్యాష్ చేసుకోవడానికి నాలుగు సినిమాలు బాక్సాఫీస్ ముందుకు దూసుకొస్తున్నాయి. వీటిలో మహేశ్ బాబు గుంటూరు కారం, తేజ సజ్జా హనుమాన్, వెంకటేశ్ సైంధవ్, నాగార్జున నా సామిరంగ ఉన్నాయి. ఇప్పటికే సెన్సార్ కార్యక్రమాలు పూర్తి చేసుకున్న ఈ చిత్రాలు అన్నీ కూడా యు/ఏ సర్టిఫికేట్ దక్కించుకున్నాయి.
అలాగే ఈ మూవీస్ రన్ టైమ్ కూడా రివీల్ అయిపోయాయి. జనవరి 12న విడుదల కానున్న 'గుంటూరు కారం' చిత్రం 159 నిమిషాలు. అంటే రెండు గంటల 39 నిమిషాల రన్ టైమ్తో ప్రేక్షకులను అలరించనుంది. అదే రోజు విడుదల కానున్న హనుమాన్ కూడా దాదాపు ఇదే నిడివితో రానుంది. రెండు గంటల 38 నిమిషాల నిడివితో వస్తుంది. ఈ చిత్రానికి ప్రశాంత్ వర్మ దర్శకత్వం వహించగా తేజ సజ్జా హీరోగా నటించారు.
ఇంకా వెంకీ మామ నటించిన సైంధవ్ సినిమా రెండు గంటల 20 నిమిషాల రన్ టైంతో జనవరి 13న థియేటర్లలోరి అభిమానుల ముందుకు రానుంది. హిట్ మూవీ దర్శకుడు శైలేశ్ కొలను ఈ సినిమాను తెరకెక్కించారు. ఇకపోతే చివరగా జనవరి 14న విడుదల కానున్న నాగార్జున నా సామిరంగ రెండు గంటల 26 నిమిషాల రన్ టైమ్ను లాక్ చేసుకుంది. ఈ చిత్రానికి కొరియోగ్రాఫర్ విజయ్ బిన్నీ దర్శకత్వం వహించారు.