ఈ సంక్రాంతికి టాలీవుడ్‌ అగ్ర హీరోలు చిరంజీవి, బాలకృష్ణ, కోలీవుడ్ స్టార్ హీరోలు విజయ్, అజిత్‌ల చిత్రాలు విడుదలవుతున్నాయనే సంగతి తెలిసిందే. మూడు సినిమాల విడుదల తేదీ ఇప్పటికే ఖరారు కాగా అజిత్ చిత్ర విడుదల తేదీ కూడా ఖరారు అయిపోయింది. ముందుగా అజిత్ చిత్రం ప్రేక్షకుల ముందుకు రానుంది. మరి ఏ హీరో సినిమా ఏ రోజు థియేటర్లలోకి వస్తుందంటే..?
- అజిత్- దర్శకుడు హెచ్‌. వినోద్‌ కాంబినేషన్‌లో రూపొందిన మూడో చిత్రం 'తునివు' (తెలుగులో తెగింపు). ఈ సినిమాని జనవరి 11న విడుదల చేయనున్నట్టు చిత్ర బృందం తాజాగా ప్రకటించింది
- బాలకృష్ణ హీరోగా దర్శకుడు మలినేని గోపీచంద్‌ రూపొందించిన సినిమా 'వీరసింహారెడ్డి'. శ్రుతి హాసన్‌ హీరోయిన్‌. ఈ చిత్రం జనవరి 12న రాబోతుంది.
- విజయ్- వంశీ పైడిపల్లి కాంబినేషన్‌లో తెరకెక్కిన చిత్రం 'వారిసు' (తెలుగులో వారసుడు). రష్మిక కథానాయిక. ఈ సినిమా జనవరి 12న విడుదలకానుంది.
- చిరంజీవి హీరోగా దర్శకుడు కె. బాబీ తెరకెక్కించిన చిత్రం 'వాల్తేరు వీరయ్య'. శ్రుతి హాసన్‌ కథానాయిక. ఈ సినిమా జనవరి 13న విడుదలకానుంది.