అరుదైన వ్యాధి 'మైయోసైటిస్‌'తో బాధపడుతూ, కొంతకాలంగా సోషల్ మీడియాలో సైలెంట్గా ఉన్న టాలీవుడ్ స్టార్ సమంత.. సోమవారం కాసేపు ఫ్యాన్స్తో ముచ్చటించింది. అభిమానుల ట్వీట్లకు తనదైన శైలిలో రిప్లైలు ఇచ్చింది. ఇదే క్రమంలో ఓ ట్రోలర్కు ఆమె ఇచ్చిన జవాబు నెట్టింట చర్చనీయాంశమైంది.
'మహిళల ఎదుగుదల.. పతనానికే!'.. ట్రోల్స్కు సమంత స్ట్రాంగ్ రిప్లై
ఆరోగ్య సమస్యల కారణంగా కొంతకాలంగా సామాజిక మాధ్యమాలకు దూరంగా ఉన్న సమంత సోమవారం తిరిగి సోషల్ మీడియాలో సందడి చేసింది. తన ఫ్యాన్స్ అడిగిన కొన్ని ప్రశ్నలకు సమాధానాలు చెప్పిన సామ్.. ఓ నెటిజన్ చేసిన ట్రోల్కు తనదైన శైలిలో స్ట్రాంగ్ రిప్లై ఇచ్చింది.
samantha
తమిళనాడుకు చెందిన ఓ ఫ్యాన్ చేసిన పోస్ట్తో ఈ చర్చ మొదలైంది. "క్రోమ్‌పేట్‌లోని వెట్రీ థియేటర్‌కు నేను, మా సోదరి వెళ్లినప్పుడు.. అక్కడున్న పోస్టర్లన్నీ ఉమెన్ ఓరియెంటెడ్ సినిమాలవే ఉన్నాయి. దీని బట్టి తమిళ సినిమా ఎంత దూరం వచ్చిందో అర్థం చేసుకోవచ్చు! 10 సంవత్సరాల క్రితం అయితే ఇది అసలు ఊహించలేని విషయం." అని ఆ థియేటర్ ఫొటోలు జత చేస్తూ రాసుకొచ్చాడు ఆ సినీ అభిమాని. ఆ ట్వీట్ను రీట్వీట్ చేసిన సామ్ "ఉమెన్ రైజింగ్!!" అని కామెంట్ చేసింది. అయితే దానికి మరో ఫాలోవర్ "జస్ట్ టు ఫాల్" అని రిప్లై ఇచ్చాడు. ఈ కామెంట్ను చూసిన సమంత "పడి లేచాక వచ్చే అనుభూతి మరింత మధురంగా ఉంటుంది మిత్రమా.." అని స్ట్రాంగ్ రిప్లై ఇచ్చింది.
సంస్కృత నాటకం అభిజ్ఞాన శాకుంతలం ఆధారంగా తెరకెక్కనున్న శాకుంతలంతో మరోసారి ఫ్యాన్స్ ముందుకు రానుంది సమంత. స్టార్ డైరక్టర్ గుణశేఖర్ ఈ సినిమాకు రచనతో పాటు దర్శకత్వాన్ని వహించారు. తెలుగుతో పాటు హిందీ, తమిళం, మలయాళం, కన్నడ భాషల్లో ఈ సినిమా ఈ ఏడాది ఫిబ్రవరి 27న విడుదల కానుంది.