Samnatha VS Nagachaitanya Akhil: విడాకుల తర్వాత హీరోయిన్ సమంత, హీరో నాగచైతన్య ఎక్కడా తమ డైవర్స్కు గల కారణాన్ని వెల్లడించలేదు. అలాగే ఒకరి గురించి మరొకరు ప్రస్తావన కూడా తీసుకురాలేదు. అయితే తాజాగా ఈ జోడీ మరోసారి నెట్టింట్లో హాట్టాపిక్గా మారింది. అందుకు కారణం సామ్.. అక్కినేని బ్రదర్స్ చైతూ, అఖిల్తో పోటీ పడటమే. అదేంటి ఏం పోటీ అనుకుంటున్నారా? దాని గురించి ఈ కథనం..
సమంత ప్రధాన పాత్రలో నటిస్తున్న పాన్ ఇండియా సినిమా 'యశోద'. ఈ సినిమాలో ఆమె ప్రెగ్నెంట్గా నటిస్తోందని సమాచారం. తమిళనటి వరలక్ష్మి, మలయాళ నటుడు ఉన్ని ముకుందన్ కీలకపాత్ర పోషిస్తున్నారు. ఈ చిత్రానికి మణిశర్మ సంగీతం అందించగా.. హరి-హరీశ్ దర్శకులు. అయితే ఈ మూవీ విడుదల తేదీని మంగళవారం ప్రకటించింది చిత్ర బృందం. ఆగస్టు 12న ఈ సినిమా ప్రపంచ వ్యాప్తంగా థియేటర్లలోకి రానున్నట్లు తెలిపింది.
అయితే ఈ విడుదల తేదీ ముందు రోజే (ఆగస్టు 11).. బాలీవుడ్ స్టార్ హీరో ఆమిర్ఖాన్తో కలిసి నాగచైతన్య నటించిన సినిమా 'లాల్సింగ్ చద్ధా' కూడా రిలీజ్ కానుంది. మరోవైపు యశోద్ విడుదల రోజే.. అఖిల్ నటించిన 'ఏజెంట్' చిత్రం కూడా రానున్నట్లు మేకర్స్ ఇప్పటికే ప్రకటించారు. సురేందర్ రెడ్డి డైరెక్ట్ చేస్తున్న ఈ మూవీలో మలయాళ స్టార్ మమ్ముట్టి కీలక పాత్ర పోషిస్తున్నారు. ఇదంతా చూస్తుంటే.. అక్కినేని వారసులకు సామ్ గట్టి పోటీని ఇచ్చేటట్లు కనిపిస్తోంది. సోషల్ మీడియాలో నెటిజన్లు కూడా 'సామ్ వర్సెస్ అక్కినేని బ్రదర్స్' అంటూ ట్రెండింగ్ చేస్తున్నారు.
చైతూ ఫొటో షేర్ చేసిన సామ్.. నాగచైతన్య- సమంత చివరగా కలిసి నటించిన సినిమా 'మజిలీ'. ఫీల్గుడ్ లవ్స్టోరీగా తెరకెక్కిన ఈ సినిమా సూపర్హిట్గా నిలిచింది. ఏప్రిల్ 5తో ఈ చిత్రం విడుదలై మూడేళ్లు అయింది. దీంతో '3 ఇయర్స్ ఫర్ మజిలీ' అంటూ చైతూ పోస్టర్ను షేర్ చేసింది సామ్. డైవర్స్ తర్వాత సామ్ తొలిసారి చై ఉన్న ఫొటోను పోస్ట్ చేయడం వల్ల కాసేపట్లోనే ఇది నెట్టింట వైరల్గా మారింది. అభిమానులు కూడా సంతోషం వ్యక్తం చేశారు.
ఇదీ చూడండి: 'వరుణ్కు ఓపిక ఎక్కువ.. ఆ విషయంలో బాగా సహకరించారు'
