Shakuntalam Movie Updates : సమంత కీలక పాత్రలో తెరకెక్కుతున్న శాకుంతలం మూవీ రిలీజ్ డేట్ను చిత్ర బృందం అనౌన్స్ చేసింది. నవంబర్‌ 4న ఈ చిత్రం ప్రేక్షకుల ముందుకు రానుంది. ఈ మేరకు కొత్త ఫొటో‌తో పాటు ఓ మోషన్ పోస్టర్ను అభిమానుల కోసం షేర్ చేసింది మూవీ టీమ్.
మహాభారతం ఆదిపర్వంలోని శకుంతల, దుష్యంతుల ప్రేమకథను ఆధారంగా చేసుకుని 'శాకుంతలం'గా తెరకెక్కుతున్న ఈ చిత్రానికి గుణశేఖర్‌ దర్శకత్వం వహిస్తున్నారు. ఇందులో శకుంతల పాత్రలో సమంత, దుష్యంతుడి పాత్రలో మలయాళ నటుడు దేవ్‌ మోహన్‌ నటించారు. భారీ బడ్జెట్‌తో రూపుదిద్దుకున్న ఈ సినిమాకు గుణ శేఖర్‌ కుమార్తె నీలిమ నిర్మాతగా వ్యవహరిస్తున్నారు. అల్లు అర్జున్ కూతురు అల్లు అర్హ కూడా ఈ సినిమాలో ఓ పాత్ర పోషిస్తోంది.