Kaathu Vaakula Rendu Kaadhal Telugu Trailer Released: టాలీవుడ్ స్టార్ హీరోయిన్ సమంత, లేడీ సూపర్ స్టార్ నయన తార, కోలీవుడ్‌ స్టార్ హీరో విజయ్ సేతుపతి కలిసి నటించిన చిత్రం 'కాతువాకుల రెండు కాదల్.' ట్రయాంగిల్‌ లవ్‌ స్టోరీగా తెరకెక్కిన ఈ చిత్రానికి విఘ్నేష్‌ శివన్‌ దర్శకత్వం వహించారు. ఈ సినిమాను తమిళం, తెలుగు భాషలలో ఒకేసారి విడుదల చేయనున్నారు. ఏప్రిల్‌ 28న ప్రపంచవ్యాప్తంగా ప్రేక్షకుల ముందుకు తీసుకు వచ్చేందుకు ప్లాన్‌ చేస్తున్నారు.
ప్రమోషన్స్‌లో భాగంగా ఈ మూవీ తమిళ ట్రైలర్ను ఇటీవల విడుదల చేయగా.. తెలుగు ట్రైలర్ను శనివారం రిలీజ్ చేశారు. తెలుగులో 'కన్మణి రాంబో ఖతీజ' పేరుతో థియేటర్లలో విడుదల కానుంది. అనిరుధ్ రవిచంద్రన్‌ సంగీతం అందిస్తున్న ఈ సినిమాను రౌడీ పిక్చర్స్‌, సెవెన్‌ స్క్రీన్‌ స్టూడియోస్‌ సంయుక్తంగా నిర్మించాయి. కన్మణిగా నయనతార, ఖతీజ పాత్రలో సమంత.. ఇక రాంబోగా విజయ్ సేతుపతి కామెడీ పండించనున్నారు. ట్రైలర్‌లో ఈ ముగ్గురి మధ్య వచ్చే సన్నివేశాలు నవ్వించేలా ఉన్నాయి.
Ramcharan Comments On KGF 2 Movie: కన్నడ హీరో యశ్‌ నటించిన 'కేజీయఫ్2' వసూళ్ల సునామీ సృష్టిస్తోంది. ప్రశాంత్‌ నీల్‌ దర్శకత్వంలో తెరకెక్కిన ఈ సినిమా భారీ అంచనాల మధ్య విడుదలై అఖండ విజయం సాధించింది. ఈ సినిమాపై సినీ అభిమానులే కాదు ప్రముఖులు సైతం ప్రశంసలు కురిపిస్తున్నారు. తాజాగా మెగా హీరో రామ్చరణ్ ఈ చిత్రబృందానికి అభినందనలు తెలిపారు. ఈ మేరకు ఆయన సోషల్మీడియా వేదికగా ట్వీట్ చేశారు.
''కేజీయఫ్2' సినిమా భారీ విజయాన్ని సాధించినందుకు టీమ్‌ అందరికీ అభినందనలు. ఈ సినిమాలో రాఖీభాయ్‌గా యశ్‌ అద్భుతంగా నటించారు. ఆయన నటన చూశాక మెచ్చుకోకుండా ఉండలేకపోతున్నా, రావు రమేశ్‌ నటన అత్యద్భుతంగా ఉంది. అలాగే ఈ సినిమా కోసం పని చేసిన టెక్నీషియన్స్‌ అందరికీ అభినందనలు' అంటూ ప్రశంసల వర్షం కురిపించారు. శుక్రవారం ఐకాన్ స్టార్ అల్లు అర్జున్ కూడా కేజీఎఫ్ 2 చిత్రాన్ని ప్రశంసిస్తూ ట్వీట్ చేశారు.