Salaar Vs Dunki :పాన్ ఇండియా స్టార్ ప్రభాస్ నటించిన 'సలార్' సినిమా గురించి రోజుకో వార్త బయటకు వస్తూనే ఉంది. అయితే ఈ మోస్ట్ అవైటెడ్ మూవీ ఇప్పటికే వాయిదా పడి డిసెంబర్కు రిలీజ్ డేట్ను ఖరారు చేసుకున్న సంగతి తెలిసిందే. ఇప్పుడు తాజాగా మరోసారి వాయిదా పడుతుందనే అనుమానాలు అభిమానులో మొదలయ్యాయి.
వివరాళ్లోకి వెళితే.. ఈ క్రిస్మస్కు బాక్సాఫీస్ ముందు ప్రభాస్ సలార్ - షారుక్ డంకీ పోటీపడేందుకు సిద్ధమైన సంగతి తెలిసిందే. రాధేశ్యామ్, ఆదిపురుష్ వంటి భారీ డిజాస్టర్ల తర్వాత ప్రభాస్ నుంచి రాబోయే చిత్రమిది. పఠాన్, జవాన్ వంటి భారీ బ్లాక్ బాస్టర్ల తర్వాత షారుక్ నుంచి రాబోయే సినిమా ఇది. సలార్ డిసెంబర్ 22న రిలీజ్కు రెడీ అవ్వగా.. డంకీ విడుదల తేదీ చెప్పలేదు కానీ క్మిస్మస్కు రావడం పక్కా అని రీసెంట్గా టీజర్ ద్వారా క్లారిటీ ఇచ్చింది.
ఈ రెండు చిత్రాలపై అభిమానుల్లో ఊహించని రేంజ్లో భారీ అంచనాలు ఉన్నాయి. ఎందుకంటే ప్రశాంత్ నీల్ మార్క్ పక్కా యాక్షన్ మోడ్తో సలార్ రానుండగా.. రాజ్కుమార్ హిరాణీ మార్క్ సోషల్ మెసేజ్ అండ్ కామెడీ, ఎమోషనల్ డ్రామాగా డంకీ రాబోతుంది. సలార్పై సాధరణంగానే అంచనాలు ఉండగా.. పఠాన్, జవాన్తో చెరో రూ.1000కోట్ల బ్లాక్ బాస్టర్ అందుకోవడం వల్ల షారుక్ డంకీపై అంచనాలు క్రియేట్ అయ్యాయి. అయితే ఈ రెండు సినిమాలు ఒకేసారి రిలీజ్ కావడం సరైంది కాదని, వసూళ్లపై ప్రభావం పడే అవకాశముంటుందని సినీ విశ్లేషకులు అంటున్నారు.