Salaar Teaser : టాప్​ ట్రెండింగ్​లో టీజర్.. ​కానీ ఫ్యాన్స్​ అసంతృప్తి.. ఎందుకంటే?

Salaar Teaser : ప్రభాస్‌ లీడ్​ రోల్​లో ప్రశాంత్ నీల్​ రూపొందించిన 'సలార్' మూవీ టీజర్​ రిలీజై సామాజిక మాధ్యమాల్లో సంచలనం సృష్టిస్తోంది. అయితే ఈ టీజర్​ విషయంలో ఫ్యాన్స్ కాస్త అసంతృప్తి వ్యక్తం చేస్తున్నారు. ఎందుకంటే?

Salaar Teaser : వరల్డ్ వైడ్​గా రెబెల్ స్టార్ ప్రభాస్ ఫ్యాన్స్​ ఎంతో ఆసక్తిగా ఎదురు చూస్తున్న రోజు వచ్చింది. యాక్షన్ థ్రిల్లర్​ 'సలార్' మూవీ టీజర్ విడుదలైంది. ​'కేజీయఫ్​' సిరీస్​ను తెరకెక్కించిన దర్శకుడు ప్రశాంత్​నీల్​- ప్రొడక్షన్ హౌస్​ హోంబలే ఫిల్మ్సే.. దీనిని కూడా రూపొందించారు.

తాజాగా ఈ ఉదయం(జులై 6) 5.12 గంటలకు టీజర్​ను రిలీజ్​ చేశారు. సినీ అభిమానుందరూ ఊహించినట్టే.. ఈ చిత్రంలో భారీ యాక్షన్ సన్నివేశాలున్నాయని ప్రచార చిత్రంలో చూపించారు. ఇంకా ఈ టీజర్​లో దర్శకుడు ప్రశాంత్ నీల్ మార్క్​ టేకింగ్ బాగా కనిపడింది. కేజీయఫ్​లో రాఖీ భాయ్​ ఎలివేషన్స్​ ఎలా ఉన్నాయో.. ఈ సారి అంతకన్నా ఎక్కువగా ప్రభాస్​ ఎలివేషన్స్ చూపించారని అర్థమవుతోంది. పవర్‌ఫుల్ బ్యాక్​గ్రౌండ్​ స్కోరు, కోల్​ మైనింగ్ ప్రాంతంలో బ్లాక్​ అండ్ వైట్ బ్యాక్​ గ్రౌండ్ విజువల్స్​లో ప్రభాస్‌ భారీ కటౌట్​ను అదిరిపోయేలా చూపించారు. అయితే ఇక్కడ మరో విషయంలో ప్రభాస్ అభిమానులు అసంతృప్తి వ్యక్తం చేస్తున్నారు. అదేంటంటే ప్రభాస్​ను కత్తి పట్టుకొని ప్రతినాయకులపై విరుచుకుపడుతున్నట్లుగా చూపించారు కానీ.. ఆయన ముఖాన్ని మాత్రం చూపించలేదు. దీంతో ఫ్యాన్స్ కాస్త హర్ట్ అయ్యారు. మొహం చూపించి ఉంటే ఇంకా బాగుండేదని తెగ కామెంట్లు పెడుతున్నారు. ఇకపోతే చిత్రంలో సీనియర్ నటుడు టీనూ చెప్పిన 'జురాసిక్ పార్క్​' డైలాగ్​ ఆధారంగా ప్రభాస్ పాత్ర బాగా పవర్​ఫుల్​గా ఉండబోతుందని తెలుస్తోంది. అంటే ప్రభాస్ పాత్ర డైనోసార్​ తరహాలో ఎంతో బలంగా, క్రూరంగా(వైలెన్స్​) ఉంటుందనమాట.

సోషల్​మీడియాలో ఫుల్ ట్రెండింగ్​.. ఈ ప్రచార చిత్రం ప్రభాస్​ ఎలివేషన్స్​తో బాగానే చూపించారు. దీంతో ఈ టీజర్​ సోషల్​మీడియాను షేక్ చేస్తోంది. ట్విట్టర్ ఇండియాలో టాప్ పొజిషన్ ఈ టీజర్ ఫుల్​ ట్రెండ్ అవుతోంది. #1- #SalaarTeaser, #2- #Prabhas, #4- #PrashanthNeel, #6- Part - 1 Ceasefire, #7- The Most Violent, #8- Called One Man, #9- Jurassic Park. #10- No confusion.. అంతా ఈ సినిమా గురించే ఉన్నాయి. ఇకపోతే ఈ చిత్రం సెప్టెంబర్ 28న తెలుగు, కన్నడ, హిందీ, మలయాళ, తమిళ భాషల్లో వరల్డ్ వైడ్​గా రిలీజ్​ కానుంది. ఈ సినిమాలో మలయాళ స్టార్​ పృథ్వీరాజ్​ కూడా నటించారు. విలన్​ రోల్​లో కనిపించనున్నారు.

సీజ్​ఫైర్ అంటే? .. ఇక ప్రచార చిత్రం చివర్లో 'సలార్ పార్ట్ 1 - సీజ్ ఫైర్' అని రాసుకొచ్చారు. అంటే ఈ చిత్రం రెండు భాగాలుగా రానుంది. అలానే సీజ్​ఫైర్ అని కూడా అన్నారు. అంటే కాల్పుల విరమణ. ఓ యుద్ధంలో కాల్పులు ఎక్కువగా జరుగుతున్న నేపథ్యంలో శాంతి ఒప్పందం చర్చల కోసం.. రెండు సైన్యాల మధ్య కుదుర్చుకునే ఒప్పందం పేరే సీజ్​ ఫైర్. మరీ భారీ యాక్షన్​ బ్యాక్​ డ్రాప్​లో వచ్చే ఈ చిత్రం ఎండింగ్​లో సీజ్​ ఫైర్​తో ముగిస్తారేమో..

• ఇవీ చదవండి: