Salaar Prabhas Remuneration :పాన్ ఇండియా స్టార్ ప్రభాస్- కేజీఎఫ్ ఫేమ్ డైరెక్టర్ ప్రశాంత్ నీల్ కాంబోలో తెరకెక్కిన సలార్ దెబ్బకు బాక్సాఫీస్ పునాదులు కదలడం పక్కా! సినిమాలో ప్రభాస్ యాక్షన్, ప్రశాంత్ నీల్ ఎలివేషన్లు, ఇంటర్వెల్ బ్యాంగ్, క్లైమాక్స్ అదిరిపోయిందంటూ ఫ్యాన్స్ నెట్టింట రచ్చ రచ్చ చేస్తున్నారు. దీంతో తొలిరోజు వసూళ్లు భారీగా సాధించడం పక్కా అని అభిమానులు అంటున్నారు.
కేజీఎఫ్ రెండు పార్ట్లతో సినీప్రియుల చూపు తనవైపు తిప్పుకున్న ప్రశాంత్ నీల్, ప్రభాస్తో సినిమా అనౌన్స్ చేసినప్పటి నుంచి ఈ సినిమాపై హైప్ మాములుగా లేదు. మధ్యలో వాయిదాల వల్ల ఫ్యాన్స్ కాస్త నిరాశపడిన అయిన మాట నిజమే. కానీ ఇప్పుడు థియేటర్లలోకి మూవీ వచ్చిన తర్వాత అన్నీ మర్చిపోయి సినిమాను ఫుల్ ఎంజాయ్ చేస్తున్నారు. ఇదంతా పక్కనపెడితే ఈ సినిమా కోసం హీరో ప్రభాస్తో పాటు మిగతా నటీనటులు తీసుకున్న రెమ్యునరేషన్ హాట్టాపిక్గా మారింది.
అయితే స్టార్ డైరెక్టర్ ఎస్ఎస్ రాజమౌళి తెరకెక్కించిన బాహుబలి సినిమాతో పాన్ ఇండియా స్టార్ అయిపోయిన ప్రభాస్ తన రెమ్యునరేషన్ను కూడా ఒక్కసారిగా పెంచేశారట. సలార్ మూవీకి రూ.100 కోట్ల పారితోషకం తీసుకున్నారట. అంతే కాకుండా సినిమా లాభాల్లో 10 శాతం షేర్ తీసుకోనున్నట్లు సమాచారం.