Salaar New Release Date 2023 : ఎట్టకేలకు వాయిదా పడిన ప్రభాస్ సలార్ కొత్త రిలీజ్ డేట్పై క్లారిటీ ఇచ్చేశారు మేకర్స్. ఈ ఏడాది డిసెంబర్ 22న థియేటర్లలో గ్రాండ్గా రిలీజ్ కాబోతున్నట్లు అనౌన్స్ చేశారు. సోషల్ మీడియా వేేదికగా ఓ కొత్త పోస్టర్ను రిలీజ్ చేసి ఈ విషయాన్ని తెలిపారు. దీంతో ప్రభాస్ అభిమానులంతా తెగ సంబరపడుతున్నారు. ఇక సోషల్ మీడియాలో హ్యాష్‌ ట్యాగ్‌లు కూడా ట్రెండింగ్‌లోకి వచ్చేశాయి. ప్రభాస్ సలార్: సీజ్‌ఫైర్‌ (#SalaarCeaseFire) హవానే అంతా కనిపిస్తోంది.
ఈ పోస్టర్లో ప్రభాస్.. ఒళ్లంతా రక్తంతో భారీ ఖడ్గం పట్టుకుని సీరియస్ లుక్లో ఫుల్ వైలెంట్గా కనిపించారు. ఆరడగుల కటౌట్లో భారీ ఫిజిక్తో శత్రువులపై విరుచుకుపడుతున్నట్టుగా కనిపించి భయపెట్టేశారు. బ్యాక్గ్రౌండ్లో నల్లటి మబ్బులతో డిజైన్ చేసిన ఈ కొత్త పోస్టర్లో ప్రభాస్ను ఇంత వైలెంట్గా చూస్తుంటే... గతంలో టీజర్ రిలీజ్ సమయంలో ఎలివేట్ చేసినట్టే అచ్చం డైనోసార్లా కనిపించారు. ఇంతకుముందు ఎప్పుడూ ప్రభాస్ను ఈ విధంగా ఎవరూ మరీ ఇంత వైలెంట్గా చూపించి ఉండరు.
కాగా, ఈ చిత్రాన్ని మొదట సెప్టెంబర్‌ 28న రిలీజ్ చేయాలని మేకర్స్ ప్లాన్ చేశారు. దీంతో ఈ రిలీజ్ డేట్కు నెల రోజుల ముందే సందడి మొదలైపోయింది. ఓవర్సీస్లో బకింగ్స్ కూడా ఓపెన్ అయిపోగా.. టికెట్లు భారీగా అమ్ముడుపోయాయి. అలాంటి సమయంలో కొన్ని కారణాల వల్ల రిలీజ్ డేట్ను పోస్ట్ పోన్ చేస్తున్నట్లు ప్రకటించి మేకర్స్ షాక్ ఇచ్చారు. దీంతో అభిమానులంతా నిరాశపడ్డారు. కొత్త రిలీజ్ డేట్ కోసం ఎంతో ఆసక్తిగా ఎదురుచూశారు. ఈ క్రమంలోనే తాజాగా డిసెంబర్ 22న రానుందని తెలుపుతూ మరో కొత్త పోస్టర్తో ఫ్యాన్స్లో కొత్త ఉత్సాహాన్ని నింపారు మేకర్స్.