Salaar KGF Connection : రెబల్ స్టార్ ప్రభాస్, 'కేజీఎఫ్' ఫేమ్ ప్రశాంత్ నీల్ కాంబినేషన్లో వచ్చిన సినిమా 'సలార్'. ఈ చిత్రం డిసెంబర్ 22న విడుదలకు సిద్ధంగా ఉంది. వర్డల్ వైడ్గా ఈ సినిమా కోసం ప్రభాస్ ఫ్యాన్స్తో పాటు మూవీ లవర్స్ కూడా ఎంతగానో ఎదురుచూస్తున్నారు. సోమవారం చిత్రబృందం విడుదల చేసిన సెకండ్ ట్రైలర్తో సినిమాపై అమాంతంగా అంచనాలు పెరిగాయి.
మరోవైపు ఈ సినిమాకు 'కేజీయెఫ్'కు కనెక్షన్ ఉందంటూ పలు వార్తలు నెట్టింట హల్ చల్ చేశాయి. జులైలో విడుదలైన 'సలార్' టీజర్లోని కొన్ని సన్నివేశాలు చూసిన అభిమానులు అలానే అనుకున్నారు. 'కేజీఎఫ్-2' క్లైమాక్స్లో రాకీభాయ్పై జరిగిన దాడి, 'సలార్' టీజర్లో చూపించిన టైమ్ రెండు ఒకటేనని ఫ్యాన్స్ అంటున్నారు. అయితే మూవీ ప్రమోషన్లలో భాగంగా డైరెక్టర్ ప్రశాంత్ నీల్ వీటిన్నంటిపై స్పందించారు. 'కేజీఎఫ్తో సలార్కు ఎలాంటి సంబంధం లేదు ఈ విషయాన్ని నేను ముందే చెప్పాల్సింది. ఇది నా తప్పే.' అని ప్రశాంత్ నీల్ క్లారిటీ ఇచ్చారు.
అడ్వాన్స్ బుకింగ్లో రికార్డ్
భారీ అంచనాలు నెలకొన్ని ఈ మూవీ రిలీజ్కు ముందే రికార్డులు బద్దలుకొడుతోంది. ఇప్పటికే అడ్వాన్స్ బుకింగ్స్లో 'సలార్' రూ.21 కోట్ల కలెక్షన్లు సాధించినట్లు సమాచారం. దీంతో ఈ మూవీ బాక్సాఫీస్ వద్ద రూ.1000 కోట్లు వసూలు చేయడం పక్కా అంటూ ఫ్యాన్స్ జోస్యం చెబుతున్నారు. అలానే 'కేజీఎఫ్' రికార్డును 'సలార్' బ్రేక్ చేయాలని కోరుకుంటున్నారు.