Salaar Advance Booking USA :పాన్ ఇండియా స్టార్ ప్రభాస్ లీడ్ రోల్లో తెరకెక్కుతున్న యాక్షన్ థ్రిల్లర్ మూవీ 'సలార్'. ప్రశాంత్ నీల్ దర్శకత్వంలో రూపొందుతున్న ఈ సినిమా కోసం డార్లింగ్ ఫ్యాన్స్ నుంచి మూవీ లవర్స్ వరకు అందరూ ఆతృతగా ఎదురుచూస్తున్నారు. ఇప్పటికే టీజర్తో గూస్బంప్స్ తెప్పించిన ఈ మూవీ.. అప్పుడప్పుడు వైరల్ వార్తలతోనూ నెట్టింట ట్రెండ్ అవుతోంది. అయితే ఈ సినిమా విడుదలకు నెల రోజుల ముందు నుంచే అమెరికాలో రికార్డు సృష్టిస్తున్నట్లు తెలుస్తోంది.
తాజాగా అమెరికాలో 'సలార్' టికెట్స్‌ అడ్వాన్స్ బుకింగ్‌ ప్రారంభమైంది. అయితే విడుదలైన కొద్ది క్షణాల్లోనే ఈ టికెట్లు హాట్ కేకుల్లా అమ్ముడైపోయాయట. ప్రస్తుతం దీనికి సంబంధించిన పోస్టర్లు ట్విటర్‌లో తెగ ట్రెండ్ అవుతోంది. దీన్ని బట్టి చూస్తుంటే ఈ సినిమా ఓవర్సీస్‌ బాక్సాఫీస్‌ వద్ద మంచి సక్సెస్ను అందుకునేలా ఉందంటూ అభిమానులు సంతోషం వ్యక్తం చేస్తున్నారు.
Salaar Movie Cast : ఇక ప్రశాంత్ నీల్ దర్శకత్వంలో గతంలో వచ్చిన 'కేజీఎఫ్‌' సిరీస్ ఎంతటి ఘన విజయం ప్రత్యేకంగా చెప్పనక్కర్లేదు. పాన్ ఇండియా లెవెల్లో విడుదలైన ఈ సినిమాలు విదేశాల్లో కూడా మంచి టాక్ అందుకున్న సంగతి తెలిసిందే. అయితే ఆ సినిమాల తర్వాత ప్రశాంత్ నీల్ డైరెక్షన్‌లో వస్తోన్న చిత్రం కావడం వల్ల మూవీ లవర్స్ అంతా 'సలార్'పై భారీ అంచనాలు పెట్టుకుంటున్నారు. మరోవైపు శ్రుతి హాసన్, పృథ్వీరాజ్ సుకుమారన్, జగపతి బాబు, మధు గురుస్వామి, ఈశ్వరీ రావు, శ్రీయా రెడ్డి, రామచంద్రరాజు, టీను ఆనంద్ లాంటి స్టార్స్ కీలక పాత్రలు పోషిస్తున్నందున ఈ సినిమా మరింత హైప్ పెంచేసింది.