Saindhav Release Date : సంక్రాంతి బరిలో పెద్దోడు X చిన్నోడు.. వెంకీ ఇంట్రెస్టింగ్ కామెంట్స్!

Saindhav Release Date : టాలీవుడ్ స్టార్ విక్టరీ వెంకటేశ్ హీరోగా నటించిన సినిమా 'సైంధవ్'. ఈ చిత్రం టీజర్ సోమవారం గ్రాండ్​గా రిలీజైంది. ఇక ఈ సినిమా 2024 జనవరి 13 విడుదల కానుంది. ఈ నేపథ్యంలో వెంకీ సంక్రాంతి పోటీపై ఆసక్తికర కామెంట్లు చేశారు. మరి ఆయన ఏమన్నారంటే.

Saindhav Release Date :విక్టరీ వెంకటేశ్ 'సైంధవ్', సూపర్ స్టార్ మహేశ్ బాబు 'గుంటూరు కారం' సినిమాలు 2024 సంక్రాతికి రిలీజ్ కానున్నాయి. ఈ రెండు సినిమాలు ఒక రోజు గ్యాప్​లో థియేటర్లలో సందడి చేయనున్నాయి. సరిగ్గా పదేళ్ల కింద వీరిద్దరూ కలిసి మల్టీస్టారర్​గా నటించిన 'సీతమ్మ వాకిట్లో సిరిమల్లె చెట్టు' సినిమా కూడా సంక్రాతి బరిలో నిలిచి హిట్ కొట్టింది. అయితే ఇప్పుడు వీరు విడివిడిగా బాక్సాఫీస్ వద్ద పోటీ పడనున్నారు. తాజాగా బాక్సాఫీస్ వద్ద పోటీపై వెంకటేశ్ ఆసక్తికర కామెంట్స్ చేశారు. ఇంతకీ ఆయన ఏమన్నారంటే..

సోమవారం సైంధవ్ మూవీయూనిట్.. ఈ సినిమా టీజర్​ను రిలీజ్ చేసింది. ఈ నేపథ్యంలో ప్రమోషన్స్​లో భాగంగా హైదరాబాద్​లో చిత్రబృందం మీడియా సమావేశం నిర్వహించింది. ఇక ఈ ప్రెస్​మీట్​లో.. 'చిన్నోడు, పెద్దోడు సంక్రాంతికి బాక్సాఫీస్ వద్ద పోటీపడనున్నారు. ఎలా ఉంది' అన్న ఓ ప్రశ్నకు వెంకీ బదులిచ్చారు. "పెద్దోడొస్తే సూపర్ హిట్. చిన్నోడు వస్తే సూపర్ హిట్. సీతమ్మ వాకిట్లో సిరిమల్లె చెట్టు వస్తే చూడలేదా? ప్రేక్షకులు పెద్దోడికి వెయిట్ చేస్తున్నారు. చిన్నోడికీ వెయిట్ చేస్తున్నారు. మా ఇద్దరి సినిమాలు ఒకేసారి రావడం చాలా ఆనందంగా ఉంది. ఆడియెన్స్ రెండు సినిమాలను ఆదరిస్తారని నమ్మకం ఉంది' అని వెంకటేశ్​ అన్నారు.

ఇక సైంధవ్ విషయానికొస్తే.. దర్శకుడు శైలేష్‌ కొలను.. తండ్రి కూతుళ్ల సెంటిమెంట్‌తో ఈ సినిమాను పాన్ఇండియా లెవెల్​లో తెరకెక్కిస్తున్నారు. ఇందులో కన్నడ భామ శ్రద్ధా శ్రీనాథ్‌, నటి రుహాని శర్మ, ఆండ్రియా కీలక పాత్రల్లో నటిస్తున్నారు. తమిళ హీరో ఆర్య కీలక పాత్రలో కనిపించనున్నారు. ఇక బాలీవుడ్ నటుడు నవాజుద్దీన్ సిద్దిఖీ ఈ సినిమాతో టాలీవుడ్​లో ఎంట్రీ ఇవ్వనున్నారు. మ్యూజిక్ డైరెక్టర్ సంతోష్ నారాయణన్ ఈ చిత్రానికి సంగీతం అందిస్తున్నారు. నిహారిక ఎంటర్‌టైన్‌మెంట్ బ్యానర్​పై.. వెంకట్ బోయనపల్లి రూపొందించిన ఈ సినిమా జనవరి 13న ప్రపంచవ్యాప్తంగా గ్రాండ్​గా రిలీజ్ కానుంది. కాగా, సోమవారం రిలీజైన ఈ సినిమా టీజర్​కు ప్రేక్షకుల నుంచి మంచి స్పందన వస్తోంది. ప్రస్తుతం ఈ టీజర్ యూట్యూబ్​లో ట్రెండింగ్​లో ఉంది.